Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Columbus markak triatleten TriBag poltsa berria aurkeztu du
Tri Bag poltsa berri honen bitartez Columbus markak triatloira jauzia egin du. Merkatu berrian sartzeko erronkari eusteko, produktu berritzaile bezain praktikoa aurkeztu du, izan ere Tri Bag triatleten artean erreferentziako poltsa izateko sortu da. Diseinu berritzaileaz gain, ehun aproposenak erabili dira, igeriketa, txirrindularitza eta atletismoa praktikatzen duten kirolariek modu erosoan erabil dezaten.
Mikel Lasa, Antxintxika Triatloi Taldeko triatletak TriBag poltsa berria erakusten du.
Poltsa berriak bost konpartimendu desberdin ditu, kirolariak aukera izan dezan behar duen material guztia bertan gordetzeko: bizikletako kaskoa, korrika egiteko zapatilak, bizikletako zapatilak, neoprenozko bainujantzia, eguzkitarako betaurrekoak, ur botilatxoa, gel hidratatzailea, nezeserra, giltzak, mugikorra eta eraman beharreko dokumentazio guztia.
Eramateko erraza eta moldakorra
Tri Bag poltsak bi sistema ditu eramateko. Alde batetik sistema klasikoa du, kirten luzearekin soinean kurutzatuta eramateko, eta bestetik sorbaldan motxila bezala eramateko korrea bigunak eskaintzen ditu. Gainera, motxilako tiranteak azpian gorde daitezke erabiltzen ez direnean.
Bi sistema hauen bitartez, poltsa une oro egokitu daiteke txirrindulariaren beharretara, modu errazean.
Diseinu berritzailea egokitzeko triatloi ekipo baten kolaborazioa ezinbestekoa izan da, beraien bitartez erabilpen frogak gauzatu baitira.
Columbus, Wingroup-eko marka
Columbus, MONDRAGON Korporazioko Wingroup kooperatibako outdoor marka da. Azken urteotan naturaz gozatzeko katalogoko zabala komertzializatu du: kanpin dendak, lo egiteko zakuak, motxilak, makilak, kantinplorak, eta abar.
Produktu berri honen bitartez, triatloi mundura jauzia egin nahi du; horixe da erronka.