Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Bruselako hiztun komunitate flamenkoaren ordezkaritza instituzional bat MONDRAGONen bisitari
![Card image cap](https://www.tulankide.com/eu/bruselako-hiztun-komunitate-flamenkoaren-ordezkaritza-instituzional-bat-mondragonen-bisitari/@@images/73329f03-7c13-4eab-9d88-e4b8ffff4a27.jpeg)
Brusela hiriburu-eskualdeko Assembly of the Flemish Community Commission-eko parlamentariek hainbat erakunde bisitatu dituzte Euskadin; horien artean MONDRAGON Korporazioa. Eusko Jaurlaritzak proposatuta etorri dira MONDRAGONera, korporazioko kooperatibetan euskararen normalizazioaren nondik norakoak bertatik bertara ezagutzera.
Bruselako hiztun komunitate flamenkoaren ordezkaritza Brusela hiriburu-eskualdeko parlamentuko kideek osatzen dute; “Bruselako Flamenkoen Parlamentua” izenez ezagutzen den ganberako parlamentariak dira. Hala, batzarreko zortzi ordezkari Euskadira etorri dira bertoko hizkuntza-errealitatea ezagutzeko helburuz eta euskara sustatzeko politika publikoak, erakundeetan, hezkuntzan edo ekonomian, bertatik bertara ezagutzeko hainbat bilera egin dituzte.
Flamenkoa Belgikako herritarren gehiengo baten hizkuntza bada ere (%60 gutxi gora-behera), Brusela hiriburu-eskualdean hiztun-komunitate flamenkoa gutxiengoa da (%20)
Bisita instituzionala oraingo astean izaten ari da. Besteak beste, Eusko Legebiltzarra, Euskal Herriko Unibertsitatea, MONDRAGON korporazioa, EITB, Guggenheim Bilbao Museoa, Euskaltzaindia, AEK, Topagunea, Tabakalera eta Etxepare Institutua bisitatu dituzte eta erakunde horietako ordezkariekin ere batzartu dira.