"Biki Digitalen" inguruan ezagutza partekatzeko jardunaldia

Benetako makina baten ezaugarriak, portaera eta errendimendua simulatzen dituen errepresentazio zehatza da biki digitala. Bere erabileraren arrazoi nagusia da aurre analisi sakona; alegia, makina egin aurretik eta benetako errealitatean erabili aurretik, sistema edo objektua plataforma birtual baten bitartez aztertzea, frogatzea eta optimizatzea ahalbidetzen du biki digitalak. Teknologia berritzailea da eta askotariko sektoretan eta arlotan erabil daiteke gaur egun. Horietako batzuk, Otaloran egin zen jardunaldian aurkeztu zituzten.

Askotariko esperientziak

Beatriz Chicotek, Lortek-eko ikertzaileak, soldadura prozesura bideratutako biki digitala aurkeztu zuen. Ekosistema konplexua eman zuen ezagutzera, informazioa skotariko gailu eta sensoreen bitartez (kamerak, laser perfilometria...) batzen duena eta biki digitala sortzeko baliagarria. Hala, soldadura egiten doan einean aurretik definitutako parametroak betetzen diren ikusten da, emaitza egokiak lortzeko.

Eder Sancho, MB Sistemaseko Virtual Commissioning arduradunak, bere proiektu birtualen helburuak aurkeztu zituen: simulatu eta birtualki balidatu, biki digitalaren bitartez, edozein bitarteko mekaniko edo komunikaziokoa, robots programak edo PLCak. 

Fagor Arrasateko berrikuntza ordezkari Andoitz Aranburuk, teknologia honen hiru erabilera azaldu zituen. Lehenengo kasuan transfer prentsa baten kasua bertatik bertara ikusteko aukera izan zen, non software batekin pieza bat simulatzen zen.

Saioak balio izan zuen gaur egun biki digitalen arloan egiten diren proiektu ezberdinak ezagutzeko.