Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Bihar ospatuko da Eskolarterko Abesbatzen 29. Topaketa
![Card image cap](https://www.tulankide.com/eu/bihar-ospatuko-da-eskolarterko-abesbatzen-29-topaketa/@@images/694c642b-9d94-43c5-939e-4d94eade6241.jpeg)
Oñatitik bi talde etorriko dira, Txantxiku Ikastolako abesbatza eta Urgain Eskolakoa, eta gainerakoak Arizmendi ikastolakoak dira; Umezaintza, Gazteluondo, Almen eta Gaztelupe gunekoak, hain zuzen. Adin guztietako haurrak ikusi eta entzun ahal izango ditugu, txikienak lau urte eta nagusienak 15 urte dituelarik, hau da, Haur Hezkuntzatik hasi eta DBHko ikaslez osatutako taldeak igoko dira oholtzara.
Aurtengo gaia, pakea
Topaketen helburuak hainbat dira. Alde batetik, kantu zaletasuna suspertzea, eta horrekin batera, haurra edota gaztea taula gainean talde baten partaide sentitzea eta bere ahotsa “musika tresna” erraldoi berezi baten parte dela ohartzea. Bestetik, bizikidetza eta elkartasun baloreak musikaz ere landu daitezkeela jabetzea. Izan ere, urtero bat hartzen da topaketaren lotura edo oinarri moduan, eta aurtengoa bakea izan da.
Guztira sei talde arituko dira oholtza gainean
Larunbatean abestuko dituzten kantu guztiak elkartasuna, berdintasuna, pakearen inguruan izango dira. Horietako batzuk honakoak izango dira: Pirritx eta Porrotxen “Munduko Loreak”, Barcelona 92an ezagutzera eman zer “Amigos para siempre” eta The Beatles taldearen “Let it be” abestiaren euskarazko bertsioa.
Aurtengo laguntza, Chrysalis elkartearentzat
Ekitaldia 17:00etan hasiko da, eta sarrerak 3€ren truke lortu ahal izango dira egunean bertan antzokiko leihatilan. Urtero bezala sarrerekin jasotako %25a elkarte batera bideratuko du Ikastolak, eta aurtengoan Chrysalis elkartearii eskainiko zaio diru hori eta taldeko ordezkari batek larunbatean bertan oholtza gainean jasoko du ikastolaren laguntza hori. Debagoienako entzuleek ikuskizun polita eta hunkigarriaz gozatzeko aukera paregabea dauka larunbatean Arizmendi Ikastolaren eskutik.