Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
"Batxiko bigarren mailakoekin lanketa berezia egingo dugu selektibitaterako, gainerakoek etxean segituko dute"
Euskal Herriko ikastolarik handiena da Arizmendi. Gaur egun, 12 gune ditu Arrasaten, Aretxabaletan eta Eskoriatzan, eta 3.000 ikasle eta 300 irakasle eta profesionaleko kolektiboa osatzen du. Konfiantzaren pedagogian oinarritutako metodologian aintzindaria da eta Euskal Herrian erreferentziazko ikastola bilakatu da.
2019-2020 ikasturtea ohiko bidetik zihoan ikasle zein irakasleentzat koronabirusaren krisiak normaltasuna hankaz gora jarri zuen arte. Martxoaren 12an Arizmendi Ikastolak, Eusko Jaurlaritzaren aginduak aintzat hartuta, erabaki zuen ikasleak etxean geratu behar zirela. Ordutik, gauzak asko aldatu dira.
Trantsizio digitala denbora errekorrean egin behar izan dute. Bertatik bertarako ohiko irakaskuntzatik online formaziora igaro dira, egunero egunero 3.000 ikasle baino zertxobait gutxiagoren etxeetan sartuz. Irakasleak ere, asko online formazioan esperientzia txikiarekin, egoera eta paradigma berrira egokitu behar izan dira. Eta ikasturtea telematikoki amaituko dute gehienek.
Batxilergoko bigarren mailakoak selektibitatea buruan
Mireia Muruamendiaraz-ek azaldu digunez, batxilergoko bigarren mailako ikasleekin lanketa berezia egingo dute selektibitatea prestatzeko, "aurten gainera hilabete izango dugu, uztailean egingo baita selektibitatea". Gainerako ikasleek, irizpide aldaketarik egon ezean, etxetik amaituko dute ikasturtea.