Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Basque Culinary Centerrek eta Eroskik “Gure zaporeak sukaldean” lehiaketaren IV. edizioa deitu dute tokiko produktuak sustatzeko
![Card image cap](https://www.tulankide.com/eu/basque-culinary-centerrek-eta-eroskik-201cgure-zaporeak-sukaldean201d-lehiaketaren-iv-edizioa-deitu-dute-tokiko-produktuak-sustatzeko/@@images/40806954-8de3-4e2b-a2c4-b3b6b6ec5792.jpeg)
Basque Culinary Center eta Eroskik “Gure zaporeak sukaldean” lehiaketaren IV. edizioa aurkeztu dute Bilbon. Lehiaketa, dagoeneko, finkatuta dago estatuan. Horrekin, bertako produktu bati eta horren barietateei balio erantsia ematen dieten eta jatetxeetan zerbitzatzen dituzten sukaldaritza-elaborazioak aitortu nahi dira, hain zuzen. BCC-Eroskiren Sariaren aurkezpena Bilbon izan da, Basque Culinary Centerreko zuzendari Joxe Mari Aizegaren eta Eroski Fundazioko zuzendari Alejandro Martínezen eskutik. Bertan iraunkortasun eta ingurumeneko diputatu eta Foru Aldundiko bozeramaile den Elena Unzueta izan da eta bizkaiko produktuen balorea azpimarratu nahi izan du. Beraiekin batera ere, nekazaritzako zuzendari orokorra, Lucía Isla egon da.
Espainia osoko jarduneko chefek izena eman dezakete “Gure zaporeak sukaldean” lehiaketan, irailaren 30era arte. Parte-hartzaile bakoitzak Espainia osoko produktuen hiru proposamen bidali ahal izango ditu guztira, eta hiru finalisten artean egoteko aukera izango du. Proposamen bakoitzeko honako hauek aurkeztu behar ditu: erabilitako produktuaren fitxa, prestatutako errezetaren fitxa eta prestatze-prozesuaren argazkia.
Proposamen guztien artean, epaimahaiak hiru aukeratuko ditu, azken fasera pasatzeko, eta lehiaketaren www.cocinandonuestrossabores.com webgunean argitaratuko da emaitza. Epaimahaia sukaldari ospetsuek eta gastronomiako adituek osatuko dute.
Horren ostean, azken fasea Basque Culinary Centerren instalazioan egingo da. Bertan izango dira aurrez aurre BCC-Eroski sariko 3 sukaldari finalistak. Horiek tokiko produktuekin egindako errezetak prestatuko dituzte, eta ospe handiko sukaldariek, gastronomia-adituek eta nekazaritzako elikagai-sektoreko ordezkariek osatutako epai-mahaiak dastatu. Hiru sariak 6.000, 3.000 eta 1.000 €-koak izango dira, hurrenez hurren.
Laugarren edizio honetan, tokiko produktuak sustatzen nabarmendu den sukaldariaren ibilbidea sarituko da, Gure Zaporeak Sukaldean Bizkaiko produktuari sariaren bidez.