Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Bartzelonako Teòric jatetxeko Oriol Casals, "VII. BCC-EROSKI saria"ren irabazle
![Card image cap](https://www.tulankide.com/eu/bartzelonako-teoric-jatetxeko-oriol-casals-vii-bcc-eroski-sariaren-irabazle/@@images/1f535a2b-46a3-4243-9cd0-1e583ae5ed0c.jpeg)
Basque Culinary Center eta EROSKIk BCC-EROSKI sariaren irabazlea erabaki dute. Sariak, bada, bertako produktua, jasangarritasuna eta osasuna sustatu nahi ditu, Basque Culinary Centerren ikasi duten eta Espainiako lurraldeetako barietate eta espezie autoktonoak erabiltzen dituzten sukaldari nabarmenen lanaren bidez.
BCC-EROSKI sariak proposamen osasungarri, jasangarri eta berritzaileak bilatzen ditu, eta parte-hartzaileen ingurune gertukoenean ekoitzitako elikagaiak jartzen ditu erdigunean. Finalisten konpromiso bikoitza ikusarazten du, bada. Batetik, produktu tradizionalekiko eta horien ekoizleekiko, eta espezie-, barietate- eta zapore-aniztasuna gordetzearekiko konpromisoa. Eta bestetik, elikadura osasungarri eta orekatuarekiko inplikazioa, bertako produktuak osasuna hobetzeko funtsezko elementu direla ulertuta.
Honako hauek izan dira edizio honetako finalistak: Bartzelonako Teòric jatetxeko Oriol Casals eta Kanaria Handiko Las Palmaseko Summum jatetxeko Xabier Blanco, biak ala biak Gastronomiako eta Sukaldaritza Arteetako graduatuak; eta Logroñoko Ikaro jatetxeko Carolina Sánchez eta Iñaki Murúa, Sukaldaritza, Teknika, Produktua eta Sormena Masterreko graduatuak, lehen Michelin izarra lortu berri dutenak.
Irabazleak eta haien errezetak
Finalistek aukeratutako errezetak prestatu dituzte Basque Culinary Centerren instalazioetan. Oriol Casalsek (Teòric, Bartzelona) «Kuia» izeneko bere proposamena egin du. Bestalde, Carolina Sánchez eta Iñaki Murua sukaldariek (Ikaro, Logroño) «Kantauriko legatz-kokotxa konfitatuak, Lumagorri oilasko-eskabetxea, haren azal kurruskaria, granada eta itsasoko barazkiak» prestatu dute. Xabier Blancok (Summum, Las Palmas Kanaria Handikoa) «Majorero ahuntz gisatua, orburuak eta jogurta» errezeta egin du.
Bertako produktuarekin berritzaile izateko eta jasangarritasuneko eta osasuneko baldintzak aintzat hartuta, sariak erabaki ditu epaimahaiak. Hori horrela, Oriol Casalsd irabazleak 6.000 euroko saria eta diploma jaso ditu; Xabier Blanco bigarren saridunak 3.000 euro eta diploma jaso ditu; eta Iñaki Murua eta Carolna Sánchez hirugarren saridunek 1.000 euro eta diploma jaso dituzte. Basque Culinary Center Fundazioko patrono den Eroskik babesten ditu sariok.
Sari-banaketa
Basque Culinary Centerreko zuzendari Joxe Mari Aizegak zera adierazi du sariak banatzeko ekitaldian: «7 urte igaro dira BCC Fundazioko patrono den EROSKIrekin batera sari hau ematen hasi ginenetik. Sariak, bada, bertako produktuak, berrikuntza eta Mondragon Unibertsitatearen Basque Culinary Centerreko graduatuek beren negozioetan egiten duten lan zoragarria sustatzen ditu. Prestakuntzak, ezagutzak eta sentsibilizazioak gastronomia-aniztasuna eta bertako produktua balioztatzea bultzatzeko duten inpaktuaren isla dira hiru finalista handi hauek.»