Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Babeserako pantailak Gipuzkoako merkatari eta ostalarientzat
Errekako zuzendari nagusi den Antton Tomasenak azaldu digunez, “diseinua Tknikako ikasleena da baina esplotazioa guri eman digute produkzioa aurrera eraman ahal izateko, elkarlanean egindako proiektua izan da”. Hortik aurrera moldea sortu eta pantailak egiteari ekin dio Kooperatiba antzuolarrak.
Antzuolako Lapatza Baserriko Maje Gorritxo, ostiralero Antzuolako plazan eginten den merkatuan.
Tomasenaren esanetan ekimen hau Errekak gizarteari egin nahi dion ekarpen bat da, “gure asmoa da, beharra duten kolektiboei babesa eskaintzea eta haiek euren lana seguruago egin ahal izateko bitartekoak jartzea”. Banaketa instituzio eta elkarteen bitartez egitea da aurreikuspena eta jada jarri dira kontaktuan inguruko udaletako ordezkariekin, interesa izan dezaketen kolektiboak identifikatu eta produktua helarazte aldera. Gipuzkoako Foru Aldundiak ere bere interesa agertu du banaketa lurralde historiko osora zabaltzeko eta horretarako modurik egokienak aztertzen ari dira dagoeneko.
“Fabrikazio mugatua izango da, puntuala”, azaldu du zuzendari nagusiak: “Gure asmoa ez da luzaroan produktu hau egitea, beste batzuen artean, moldeek ere muga bat dutelako” azaldu du Antton Tomasenak.
Erreka etorkizunera begira
Hiru negozio unitatek osatzen dute Erreka: sarbide automatikoenak, finkapenenak eta plastikoenak. Argi dute, etorkizuneko egoera oraindik oso ezezaguna den arren, aukera ezberdinen aurrean prest egon beharko direla, horietara egokitzeko beharrezkoak diren barne eta kanpo egokitzapenak malgutasunez egin beharko dituztelarik.
Orain arte osasun krisia ere malgutasun horretatik kudeatu dute, beharrezkoak ziren segurtasun neurri guztiak hartuz, erakundea egokituz eta kolaboratzaileen lana berrantolatuz, telelanaren bidez adibidez. Zentzu horretan “eskerrak emateaz nekatuko ez dela” dio Antton Tomasenak, “kolektiboak agertu duen prestutasunagatik eta jarrera ezin hobeagatik”.