Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Ausolan Güreik euskal jatetxe taldearen kapitalean sartu da
![Card image cap](https://www.tulankide.com/eu/ausolan-gureik-euskal-jatetxe-taldearen-kapitalean-sartu-da/@@images/79bb18a5-bd79-489d-bee8-620624ebc034.jpeg)
Güreik jatetxe taldeak Ausolan Taldea batu du bere kapitalean, garapena eta hedapena sustatzeko. Bizkaiko jatorria duen holding gastronomiko honek zortzi marka biltzen ditu (Gürepoke, Güresushi by Sushi Gallery, Gürekoffee, Green Kitxen, Fit & Göxo, Güredenda, Tälo eta Güreburger) eta milioi bat euroko balioa izan du bere lehen finantzaketa errondan. Erronda horretan sartu da Grupo Ausolan bere kapitalean.
Eragiketa honi esker, "bi taldeen arteko merkataritza eta enpresa sinergia berriak ekin ahal izango dira, batez ere prozesuen bikaintasuna eta kontsumo formatu berrien berrikuntza uztartzerakoan", azaldu dute ohar baten bidez.
Ausolanek akzioen %15 eskuratu du, eta Güreik-en hedapena sustatzen saiatuko da, ekoizpen prozesu berrietan berrikuntzaren alde egingo duen empresa eredu bat garatzen, bai azken kontsumitzaileen kanalean (B2C), zein enpresa eta ostalaritza kanalean (B2B); eta, horrez gain, bere elikadura produktu guztiak merkaturatzen hasiko da.
Güreik-ek 2021aren amaieran hasi zuen bere empresa ibilbidea hainbat formatu eta markarekin, baina Gürepoke eta Gürekoffee dira ezagunenak. Gaur egun, taldeak 35 pertsonaz osatutako lantaldea du, eta ekitaldi honen amaieran 45era arte handitzea espero da. Bizkaian zazpi lokal ditu irekita, baina datozen hiru urteetarako egutegian Euskadiko beste toki batzuetan zein Madrilen eta Bartzelonan ere lokalak irekitzea aurreikusita dago.
Sukaldaritza formatu berria
Güreik-en hazkunderako estrategietako bat ‘market’ formatuan oinarrituta dago. Europako hiri nagusietan nahiko hedatuta dagoena. Horregatik, Güreik-en hurrengo lokalek gune berean beren marka eta produktu guztiak -pokeak, kafea, sushia, hanburgesak, taloak, gehigarririk gabe aurrez prestatutako platerak, gozokiak eta postreak- batuko dituzte. Horiek guztiak sukaldaritza osasungarriaren filosofian oinarrituta eta hurbileko produktuekin (zero kilometrokoak edo trazabilitate frogagarria dutenak) eta publiko guztietarako; izan ere, menuetan elikagai beganoak, begetarianoak, glutenik gabekoak edo azukrerik gabekoak dituzte.