Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Atzerritik gurera, MUra
![Card image cap](https://www.tulankide.com/eu/atzerritik-gurera-mura/@@images/714f370a-f099-4270-ae46-ea394a4b6a99.jpeg)
Mondragon Unibertsitateko Enpresagintza Fakultatearen Oñatiko kanpusa hizkuntzen eta aurpegi berrien topagune bilakatu zen aurreko astean. Norbere hizkuntzaren gainetik, ingelesa izan zen nagusi ekitaldian eta baita jendearen arteko elkarrizketetan ere.
Izan ere, Mondragon Unibertsitateko 70 ikasle atzerritar elkartu ziren unibertsitateak beraientzat antolatutako harrera- eta ongietorri-ekitaldian. Besteak beste, MUren izaera eta duela 45 urte hasitako nazioarteko ibilbidea ezagutzeko aukera izan zuten.
Nazioarteko hitzarmenak
Nazioarteko ibilbideari esker, Unibertsitateak hitzarmenak ditu Europako ehundik gora unibertsitate ospetsurekin. Baita Ipar eta Hego Amerikarekin eta Asiarekin ere, eta horrek Unibertsitateko ikasleen eta irakasleen mugikortasuna errazten du, eta agerian uzten du euskal erakundeak duen nazioartekotzearen aldeko kezka.
Ikasturte honetan, Mondragon Unibertsitateko 638 ikaslek prestakuntzaren zati bat atzerrian egingo dute. Horietatik 307k ikasketak egingo dituzte atzerriko unibertsitateetan, eta gainerako 321ak enpresetan eta erakundeetan praktikak eta ikaskuntza-bidaiak. Bestalde, ikasketak osatzeko Unibertsitatera etorri diren atzerriko ikasleak, berriz, 166 dira. Jon den urtean, Mondragon Unibertsitatearen 469 ikaslek prestakuntzaren zati bat atzerrian egin zuten. Horietatik 223 ikaslek ikasketak egin zituen eta 246 ikaslek praktikak.
Unibertsitatera etorri ziren atzerriko ikasleei dagokienez, Mondragon Unibertsitateak iaz 116 nazioarteko ikasle hartu zituen. Horietatik 104 ikasketak egitera etorri ziren eta 12 praktikak eta proiektuak egitera.