Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Asteon aurkeztu dute HEZIKOOP proiektu kooperatiboa
![Card image cap](https://www.tulankide.com/eu/asteon-aurkeztu-dute-hezikoop-proiektu-kooperatiboa/@@images/8ce6c801-e140-4e66-989c-504a44538e8a.jpeg)
Abiapuntu du ikastola kanpoko eragileekin zein barruko kideekin 2015-2016an egindako ikerketa (Iparra: Arizmendi 2020), eta Etorkizuneko MONDRAGON hausnarketaren baitan dago.
Hezkuntza kooperatiba berriaren beharra
Atzokoan Etxezarretak azpimarratu zuen subjektu kooperatiboa hezkuntza ez unibertsitarioan eraikitzea kooperatibismoak burutzear duen gai bat dela, eta subjektu horren profila (sendoa, gizartearekiko arduratsua eta onurak berdintasunean banatzekoa) abiapuntu izanik, hezkuntza kooperatibo berri bat egin beharra dagoela, gizartean irekitzen ari den ziklo berrian.
Ondoren, hori dena nola gauzatuko den adierazi zuen, 2020-21 ikasturte bitarteko kronograma laburtuz. Pedrosak 2015-16 ikasturtean egindakoaren berri eman zuen, Iparra: Arizmendi 2020 ikerketa-lanaren helburuak (nagusiki, hezkuntza eraldatzailearen klabeak identifikatzea), egitekoak eta ondorioak azalduz.
Etxezarreta: "Hezkuntza kooperatibo berri bat egin beharra dago, gizartean irekitzen ari den ziklo berrian"
Ordezkaritza MONDRAGONetik
Kualitatiboki foro aberatsa izan zen atzokoa, izan ere, MONDRAGONeko hainbat ordezkarik parte hartu zuten bertan: MONDRAGONeko lehendakari Iñigo Ucinek, MONDRAGONeko Kongresuaren lehendakaria Javier Goienetxeak, MUko errektore Bixente Atxak, MONDRAGON Gestio Sozialeko zuzendari Zigor Ezpeletak, FAGOR taldeko eta GIZABIDEA fundazioko lehendakari Joxean Alustizak, MONDRAGON Berrikuntza, Sustapen eta Ezagutza dibisioko buru Juan Mari Palenciak eta Alecoop eta Lea-Artibai eskola politeknikoko zuzendaritza-ekipoek, besteak beste.