Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Arrakastatsua “Arizmendiarrieta. El hombre cooperativo” dokumentalaren estreinaldia
![Card image cap](https://www.tulankide.com/eu/arrakastatsua-201carizmendiarrieta-el-hombre-cooperativo201d-dokumentalaren-estreinaldia/@@images/15b82352-f85c-45a9-a77c-7ec10a2eed12.jpeg)
“Arizmendiarrieta. El hombre cooperativo” dokumentala estreinatu zen atzo Arrasaten. Ekitaldiak 400 lagun inguru bildu zituen Amaia Antzokian. Dokumentala lehen aldiz emititu ikusteko aukera izan zuten bertaratutakoek eta hurrengo egunetan Euskal Herriko hiriburuetara zabalduko da.
Arrasateko alkatea den Maria Ubarretxena, Gipuzkoako diputatu nagusia, Markel Olano, Ekonomiaren garapena eta Azpiegiturako sailburua, Arantxa Tapia, Enplegu eta Gizarte Politiketako sailburua, Beatriz Artolazabal, Lan eta Justizia sailburua, María Jesús San José, Fagorreko fundatzaileak, Alfonso Gorroñogoitia eta José María Ormaetxea, eta Luis Usatorreren alarguna den Pureza Aranzabal ere bertaratu ziren.
Gainera, MONDRAGONeko presidente Iñigo Ucín, EITBko zuzendari Maite Iturbe; Julio Gallastegi, Laboral Kutxako zuzendari nagusia; Agustín Markaide, Eroskiko zuzendaria; Kepa Junkera eta Patxi Zubizarreta, musika eta filmerako egindako abestiaren egilea; Vicente Atxa, Mondragon Unibertsitateko errektorea; Asociación de Amigos de Arizmendiarrietaren presidentea, Jesús Manuel Sinde; José María Arizmendiarrietaren lehengusina, Jesús María Arizmendiarrieta; Pello Urizar legebiltzarkidea; Javier Retegui, Juan María Otaegui Murua, José Antonio Altuna eta Miguel Lazpiur enpresarioa ere izan ziren.
Estreinaldiaren ondoren, dokumentala Euskal Herrira hedatuko da eta ikusgai egongo da Gasteizen, Bilbon, Iruñean eta Donostian.
Estreinaldiaren ondoren, dokumentala Euskal Herrira hedatuko da eta ikusgai egongo da Gasteizen, Bilbon, Iruñean eta Donostian. Arrasaten, hurrengo ordu hauetan ikusteko aukera egongo da; gaur 19:30 eta 22:00etan, igandean 19:30ean eta astelehenean 20:30ean.
Bost urteko lana
2013. urtean ekin zion proiektuari Gaizka Urrestik. Dokumentazio sakona burutu zuen eta horrela ia 40 testigantza jaso zituen Jose María Arizmendiarrietarekin erlazio zuzena zutenen ahotik. Euskal Herrian eta Erroman hartu ditu irudiak eta kooperatibagintza esperientziaren sortzailea izan zenaren senitarteko, ikasle eta adituek hartu dute parte. Buruan zuen historia kontatzeko, animazioak, artxibozko irudiak zein bideo laburrak erabili ditu eta Kepa Junkeraren laguntza izan du musikaren alorrean. Horrela bilbotarraren lehen soinu banda izan da zinema munduan.
Arrasate berpiztu zuen apaiza
1915ean Markinan (Bizkaia) jaioa, Jose Maria Arizmendiarrieta apaiz egin eta Arrasateko parrokian hasi zen meza esaten 26 urte zituenean. Arrasaten lan egoerak bereiziki zailak ziren, izan ere, gerra osteko egoera baitzen. Hemen abiarazi zituen, herriko hainbat gazteekin elkarlanean, tokian tokiko mugimendu kooperatibista berreskuratzeko oinarriak.
Argazki bilduma ikusgai hemen