Arizmendi Ikastolako bi talde Euskadiko First Lego League kanporaketan izango dira

Irakaskuntza

Ikerketa zentro teknologikoa

Irakaskuntza unibertsitate zentroa

Otsailaren 10ean, hurrengo zapatuan, izango da aurtengo First Lego League-ren EAEko kanporaketa.

2018/02/05

Gasteizko Europa Biltzar Etxean jokatuko da egun osoz First Lego League lehiaketako Euskadiko kanporaketa , eta bertan izango dira Arizmendi Ikastolako berrogei bat ikasle, lau taldetan banatuta. Aurtengo helburua da, Hydro Dynamics erronkaren bitartez, ikasleek uraren giza zikloaren inguruan ahalik eta gehien ikastea (ura non eta nola aurkitu, garraiatu eta modu egokian erabili).

Proiektuaren garapena

Lau eremutan jorratu beharko dute proiektua: roboten froba, proiektu zientifikoa, talde lana eta robotaren diseinua. Aste hauetan, ikasleak fin-fin ari dira azken lanak, frogak eta bestelakoak egiten. Aurten, beste urte batzuetan bezala, teknologiako irakasleak ez ezik, kanpoko laguntzaileak ere izan dituzte, hala nola Mondragon Unibertsitateko Goi Eskola Politeknikoan diharduten Robotika eta Automatizazioko ikerlaria (Nestor Arana) eta Ikerlaneko kideak (Ion Etxebarria eta Eneko Perez).

Euskadiko txapelketan egongo direnak Arizmendi ikastolako barne-kanporaketan aukeratu zituzten.