Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Arizmendi Ikastolak "Konfiantzaren pedagogia" liburua aurkeztu du
Gaur, urtarrilak 12, aurkeztu du Arizmendi Ikastolak "Konfiantzaren pedagogia: Arizmendi ikastolako markoa" Aretxabaletako Basabeazpi ikastolan. Bertan izan dira: Aitziber Arregi, Ikastolako lehendakaria; J. Iñaki Etxezarreta, Ikastolako zuzendaria; Amaia Antero, Berrikuntza Pedagogikoaren zuzendaria; eta Eli Villar, irakaslea eta liburuaren ilustratzailea.
Ikastolako zuzendaria den Iñaki Etxezarretak aipatu du "Arizmendi Ikastolak konfiantzaren pedagogia terminoa berea du, edukiz bete du eta bizitza osorako lelo gisa eskaintzen dio leintz bailarari, Euskal Herriari, mundu osoari".
Arizmendi Ikastolaren markoa
Amaia Anterok laburtu ditu liburuaren helburu eta ezaugarri nagusienak. Horrela, aipatu du liburua hezkuntza arloan lanean diharduen edozein profesionali zuzenduta dagoela eta baita gai honen inguruan interesa duen gurasoei.
Hizkuntza erregistro errazean idatzi da, modu didaktiko eta aktiboan. Liburuak lau gai lantzen ditu: hezkuntza eraldatzeko beharra, konfiantzaren pedagogiaren kontzeptua eta esku hartzeko eremuak; konfiantzaren pedagogiaren oinarri teorikoak; eta konfiantzaren pedagogia garatzeko baldintza pedagogikoak.
Pedagogiaren ikuspuntutik
Konfiantzaren pedagogiaren oinarrian pertsonaren gaineko ikuspegi jakin bat dago, eta ikuspegi horretatik eraiki du Arizmendi Ikastolak pedagogia. Pertsonari pertsona oso izaten eta zoriontsu izaten laguntzea helburu duen pedagogia. Pertsona ikusteko modua, pertsonarekiko jarrera eta jokaera jakin bat daude, beraz, pedagogia horren oinarrian.
Aurkezpenaren argazki gehiago hemen.