Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Arizmendi Ikastolak Guraso Mintegia antolatu du aurten ere
![Card image cap](https://www.tulankide.com/eu/arizmendi-ikastolak-guraso-mintegia-antolatu-du-aurten-ere/@@images/614b31f4-b334-4765-aefe-d9739f55c776.jpeg)
Aurtengo ikasturtean mintegiak bi atal izango ditu: batetik, azalpen teorikoa emango da Arizmendi Ikastolako psikologo eta pedagogoen eskutik, eta Rafael Cristóbal doktorearen gidaritzapean; bestetik, kasu konkretuak aztertuko dira gurasoen parte-hartzearekin. Era berean, aurten bi mintegi eskainiko dira: aurreko ikasturteetan mintegietan partaide izan diren gurasoei zuzendutakoa bat eta hastapeneko ikastaroa guraso berrientzat.
Lan saioak Uribarrin eta Basabeazpin
Aurten lan saioak Arrasateko Uribarri gunean eta Aretxabaletako Basabeazpin egingo dira, urtean bederatzi saio izango dira, zapatu goizetan. Interesatu guztiek izena emateko aukera izango dute eta dagoeneko urrian egingo den saioan parte hartu ahal izango dute. Izen-ematearekin batera lehenengo hiruhilekoaren ordainketa egingo da eta hurrengo biak hiruhileko bakoitzean, 15 euro saioko. Era berean, Arizmendik haurtzaindegi zerbitzua eskainiko die parte-hartzaile guztiei.
Rafael Cristóbal, mintegiko zuzendari
Guraso izatea gaur da mintegiaren izenburua eta zuzendaria Rafael Cristóbal da. Besteak beste, Medikuntzan doktorea da, Mondragon Unibertsitatean Psikologian irakasle eta Haur Psikiatrian eta Psikologian aditua. Cristobalekin batera, Arizmendi ikastolako orientatzaile den Arantxa Lejarraga ere hizlari gisa arituko da. Informazio gehiago nahi izanez gero, www.arizmendi.eu webgunera jo dezakete interesatuek.