Jarraitu zuzenean Ane Irazabal kazetariaren hitzaldia

Arizmendiarrietaren Eguna ospatuko du bihar Arizmendiarrietaren Lagunak Elkarteak, Mondragon Unibertsitateko Goi Eskola Politeknikoan –Loramendi 4, 5001 ikasgela–, 19:00etan, Ane Irazabal arrasatear kazetariaren hitzaldi batekin. Irazabalek azken urteotan Ekialde Hurbileko, Afrikako eta Europako errefuxiatuen eta migrazio fenomenoen dramatismoa aztertzen jardun baitu.  

Hitzaldiaren izenburua izango da: “Pertsonak, titularren gainetik”, eta horren laburpenetik jasotzen dugu kazetariak berak dioena: “Humanismoak eta enpatiak garrantzi handia dute albiste bat jorratzerako orduan”.

19:00etatik aurrera zuzenean TUlankide.com agerkarian

TUlankide.com agerkariak zuzenean eskainiko du Ane Irazabalen hitzaldia. Arratsaldeko 19:00etan, hitzaldiaren hasierarekin konektatuko du zuzenean Tulankidek.