Irakurriena
- 1. FIRST LEGO League Euskadi-MONDRAGON finala, boluntario bila
- 2. Orbik Cybersecurity, kooperatiba mistoa bihurtu den lehen start-up teknologikoa
- 3. 2024ko urtekaria: urtebete iruditan
- 4. Ministroen Kontseiluak LagunAro BGAEren berezitasuna onartu du
- 5. MONDRAGONek bisitarien errekorra hautsi du: 3.196 lagun 2024an
- 6. Kooperatiben Nazioarteko Urtea aztergai TU Lankide-ren azken zenbakian
- 7. ADI Data Center Euskadi bigarren zentroa eraikitzen hastera doa
- 8. "Finantzaketaz gain, MONDRAGONek bere ekosistemarako sarbidea ematen digu"
- 9. Euskara bizi-bizirik kooperatibetan
- 10. 10 proiektu saridun, 2024ko MONDRAGON TFG-TFM sarietan
Adolfo Plaza, MONDRAGONeko Finantza Dibisioko lehendakariorde berria
MONDRAGONeko Batzorde Iraunkorrak Adolfo Plaza (Bilbo, 1978) izendatu du Finantza Dibisioko lehendakariorde – Laboral Kutxak, LagunAro BGAEk eta Osartenek osatua – eta Korporazioko Kontseilu Nagusiko kide berri.
Enpresen Administrazio eta Zuzendaritzan lizentziaduna da eta Zuzendaritza Aurreratuan Masterra du Deustuko Unibertsitatean
Adolfo Plazak, Txomin Garcia ordezkatu du Laboral Kutxako lehendakaritzan. Enpresen Administrazio eta Zuzendaritzan lizentziaduna da, eta MBA Zuzendaritza Aurreratuan, Deustuko Unibertsitatean. Bere ibilbide profesionala Arthur Andersen-Deloitte auditore enpresan hasi zuen, finantza eta aseguru erakundeetan espezializatutako taldeko buru gisa, eta 2006an Ipar Kutxako Barne Auditoretzako eta Arriskuaren Kontroleko Unitateko zuzendaritzan sartu zen.
Euskadiko Kutxak eta Ipar Kutxak bat egin ondoren, 2013an, Laboral Kutxako Eragiketa Saileko zuzendari izendatu zuten (2013-2017), eta, ondoren, Plangintza eta Kudeaketa Kontroleko Saileko zuzendari (2017-2019) eta Finantza Arloko zuzendari (2019-2023). Halaber, Laboral Kutxako Kontseilu Errektoreko kidea eta LagunAro Aseguruen Administrazio Kontseiluko kidea izan da.
