Irakaskuntza
Irakurriena
- 1. Javier Amezaga, MONDRAGONen Ekipamendu Dibisioko zuzendari nagusi berria
- 2. MONDRAGON eta Mondragon Unibertsitatea Méxicok berrikuntza eta talentuaren garapenerako lankidetza indartu dute Latinoamerikan
- 3. Valentziako kaltetuei laguntzeko kanpainak zabalik jarraitzen du Eroskin
- 4. Pello Rodriguez lehendakariarekin batzartu da Lehendakaritzan
- 5. MONDRAGONek Finantza Foroa egin du
- 6. Matricik likidazio-fasea irekitzeko eskatu du
- 7. “Ilusioz beteta nago, MONDRAGON proiektu liluragarria da”
- 8. MONDRAGONen 2025-2028 Politika Sozioenpresariala aztergai, TU Lankide aldizkariaren azken alean
- 9. Zorionak mende erdiko bideagatik!
- 10. “Trumpen garaipen batek eta haren atzerakada protekzionistak, Europari eragingo liokete”
Abenduaren 27an eta 28an Emakumeen XIV. Futbol Txapelketa Arizmendiren eskutik
Berdintasunean oinarritzen den gizarterantz, behar-beharrezkoa da eraldaketa soziala bultzatuko duten talde eta pertsonak heztea. Honetan laguntzeko Arizmendi ikastolak emakumearen kirolaren aldeko apustu sendoa egin zuen orain dela urte asko.
Bide honetatik lanean, gaur egun bailaran emakume gehien biltzen dituen kirol elkartea izatera lortu du Arizmendik. Guztira 210 neska biltzen ditu Arizmendi Kirol Elkarteak kirol diziplina desberdinetan: futbola, areto futbola, igeriketa, boleibola eta pilota.
Guztira 210 neska biltzen ditu Arizmendi Kirol Elkarteak kirol diziplina desberdinetan: futbola, areto futbola, igeriketa, boleibola eta pilota
Futbol txapelketa aitzindaria
Futbol txapelketari dagokionez, hamahiru bider jokatu da dagoeneko txapelketa hau. Aurtengoa, beraz, hamalaugarrena izango da. Debagoiena bailarako talde guztiek hartzen dute parte: Leintz Arizmendi, Bergara eta Aloña Mendi.
Aurreko hamahiru aldiak Aretxabaletako Ibarra futbol-zelaian jokatu dira. Aurtengoa, estreinakoz, Arrasateko Mojategi futbol-zelaian izango da.
Lau maila arituko dira: alebina, infantila, kadetea eta seniorra. Lehenengo hiru mailetan futbol 8ko txapelketa egingo da abenduaren 27an. Senior mailan futbol 11ko goi mailako triangular bat jokatuko da abenduaren 28an: Erreala, Eibar eta Bergara, Arrasate, Oñati, Eskoriatza eta Aretxabaletako neskek osatzen duten Debagoieneko Selekzioa.
Atzo izan zen txapelketaren prentsaurrekoa. Bertan, Garbiñe Etxeberria, Errealeko nesken futboleko arduraduna, Maria Ubarretxena, Arrasateko alkatea, Gorka Gabilondo, Kirol Elkarteko arduraduna, Unai Busturia, Arizmendiko ordezkaria eta Jon Zabaleta, Eibar Kirol Elkarteko nesken futbol arduraduna, egon ziren.
Errealak edizio guztietan hartu du parte. Garbiñeren hitzetan “orain urte batzuk genituen futbol erreferentzia guztiak gizonezkoak ziren. Gaur egun, emakumezko futbol jokalariak ere ezagutzen dituzte gazteak”. Hau horrela izanda, oraindik lan asko egiteko dagoela aitortu zuen Garbiñek.
Irakaskuntza
