Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
50.000 euroko izarrak
EROSKIren Elkartasun Izarren kanpainak 50.000 eurotik gora bildu ditu dagoeneko, azaroaren 10ean martxan jarri zenetik. Kanpaina hau elkarrekin antolatu dute Eroskik, ACNURen EAEko Batzordeak (NBEk iheslarientzat duen agentzia), Adinekoen Lagunak Fundazioak eta Unicefen Espainiako Batzordeak (NBEren Haurrentzako Agentzia). Kontsumitzaileek Eguberri guztietan izango dute modua izar itxurako elkartasun apaingarriak erosteko, euro bakarrean.
"Bezeroek gero eta borondate handiagoa dute, eta elkartasun handia erakusten ari dira. EROSKIkook, berriz, bost zentimo gehiago emango ditugu EROSKI SeleQtia markako produktu bakoitzeko, abenduaren 1etik 31era bitartean, bi egun horiek barne, eta bezeroek izarrak erostean bildu denari batuko zaio", esan du Eroskiren Gizarte Erantzukizuneko zuzendariak, Alejandro Martinez Berriochoak.
Aurten, EROSKIk hiru ongintza kausatara zabaldu du Eguberrietako elkartasun kanpaina. Kooperatibaren Bezero Bazkideek berek erabaki dituzte kausa horiek www.eroski.es webgunean botoa emanda. Botaketan, 10.000 kontsumitzailek baino gehiagok parte hartu dute. Hauek dira prozesu honetan irabazi duten kausak: haurrentzako laguntza UNICEFen Espainiako Batzordearen bitartez bideratua, eta gure adinekoen bizi kalitatearen hobekuntza Adinekoen Lagunak Fundazioaren laguntzaren bitartez. Kausa horietaz gain, ACNURen iheslariak babesteko eta artatzeko kausa dago; iaz ere horren alde joan zen diru funtsa.
2015ean, kooperatibak eta haren bezeroek 142.000 euro bildu zituzten Eguberrietako elkartasun apaingarri horien salmentarekin eta Eroskik egindako dohaintza gehigarriarekin. Diru funts horrekin, oinarrizko jangarriak zituzten 71.000 kutxa banatu zituen ACNURek iheslarien eremuetan.
"Aurtengo elkartasun izarra Gureak marketin taldeak diseinatu eta ekoitzi du, desgaitasuna dutenei lan aukerak sortzen dizkien enpresak. Horregatik, esan dezakegu elkartasun bikoitzekoa dela, bildutako diruaren helmugarengatik eta ekoizteko eragatik", azaldu du Eroskiren Gizarte Erantzukizuneko zuzendariak.
Elkartasun Izarrak kanpaina, sorburuan, EROSKIko langile baten tradiziotik dator: hark ohitura izaten zuen Eguberrietako apaingarrietan urteko bizipenik onenak idazteko.