Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
4.0 industria-iraultzari aurre egiteko jardunaldia Michel Baudinen eskutik
![Card image cap](https://www.tulankide.com/eu/4-0-industria-iraultzari-aurre-egiteko-jardunaldia-michel-baudinen-eskutik/@@images/f4e954b6-fd50-4a1c-a533-bbae44801e98.jpeg)
Jardunaldiko partaideek industria adimendunaren gakoak ulertzea du helburu. Adibidez, enpresak nola kudeatu behar dituen bere prozesuak eraginkortasunez, nola erabil daitezkeen IKTak enpresen kudeaketa errazteko, eta nola har daitezkeen erabakiak denbora errealean. Horretaz gain, Estatu Batuetako erreferentziako enpresen kasu arrakastatsuak azalduko dira.
Topagunea kudeatzaileei, eragiketa-zuzendariei, produkzio- eta kalitate-alorreko buruei, mantentze-arduradunei eta abarrei bideratuta dago; azken buruan, industria-kudeaketan ardura-postuak dituztenei edota enpresen kudeaketa bikaintasunerantz bideratu nahi duten zuzendari guztiei.
Nazioarteko aditu ikastaroa
Jardunaldian bertan, Mondragon Unibertsitateak Enpresa Zuzendaritzako Nazioarteko Ikastaroa aurkeztuko du. Aditu programa horrek 120 orduko iraupena du, irailean hasi eta otsailera arte. Negozio-ereduaren gakoak ulertu eta kudeaketa-estrategia egokiak erabiliz, negozio-emaitza onak lortu nahi dituzten zuzendariei zuzenduta dago. Programak San Frantziskon eta Seattlen egonaldia hartzen du barne, eta Estatu Batuetako enpresak, hala nola Boeing, bisitatuko dituzte bertan. Horretaz gain, partaideek beren enpresetan ezarri beharreko proiektuak prestatuko dituzte, Mondragon Unibertsitateko aditu baten laguntzaz.
Michel Baudin
1987az geroztik Zuzendaritzako Kontsultoretzan ari da. Kontsultoretzaren alor horretan, Lean Manufacturinga ezartzen lagundu du orotariko enpresetan: aeroespazio alorreko enpresetan, elektronikakoetan, automoziokoetan nahiz elikagai izoztuen alorretakoetan, AEBn, Hegoamerikan, Europan eta Asian. UC Berkeley Extensioneko, Daytoneko Unibertsitateko eta Hing Kongeko produktibitate kontseiluko instruktorea da.
Era berean hainbat liburu tekniko idatzi ditu idazle gisa: Fabrikazio Sistemen Azterketa (1990), Lean Assembly (2002), Lean Logistics (2005) eta Working with Machines (2007). Gaur egun bosgarren liburua idazten ari da, enpresa adimendunen alorra aztertzeko: "Manufacturing Intelligence: The art of making factory data talk"