Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
2022rako Berriatuko lantegi berria irekitzea aurreikusi du Kidek
![Card image cap](https://www.tulankide.com/eu/2022rako-berriatuko-lantegi-berria-irekitzea-aurreikusi-du-kidek/@@images/26810239-d312-4a0f-800b-32c5a1ac42c5.jpeg)
Kidek aldaketa sakonak biziko ditu datozen hilabeteotan, zerbitzu eskaintza estrategia indartu eta hobetzeko helburuarekin. Eraldaketa nagusia izango da, alde batetik, ERP berri bat inplementatzea eta kalitatezko zein zerbitzuko prozesuak digitalizatzea. Eta nola ez, Berriatuako lantegi berriaren inaugurazioa.
Mario Lopez, Kideko zuzendari nagusia: "Bezeroaren beharretara egokitu behar dugu, behar dutenari arreta jarriz".
Era berean, eta efizientzia eta eraginkortasuna hobetzeko helburuarekin, Kidek Berriatuko (Bizkaia) ekoizpen zentro nagusiaren lurretan kontzentratuko ditu bere ekoizpen planta guztiak (Berriatua, Txina eta Arrona). "Egungo merkatu-parametroetan, prezio estuegiekin, gurea bezalako sektore heldu batean, tokiko lehiakide askorekin, ez du zentzurik Txinan jarraitzeak", esan dute Kidetik Miren Larrañaga finantza-zuzendariak eta Mario Lopez zuzendari nagusiak.
Txinatik Arronara (Gipuzkoa) aberriratuko du lehenik produkzioa, eta 2022rako Berriatura, urte amaierarako ziurrenik. Kideko zuzendari nagusiaren ustez, "helburua Berriatuan ditugun instalazioak handitzea da, 2.000 metro karratu baino gehiagorekin instalazio berrietarako. Era berean, ERP berriak eraldaketa integrala sustatzeko eta, batez ere, sistema osoa digitalizatzeko aukera emango digu ". Horretarako, bost milioi euro inbertituko ditu guztira, eta 5.000 metro koadro okupatuko ditu guztira egungo instalazioaren eta ekoizpen-planta berriaren artean. Obrak martxan daude eta 2022rako irekitzea aurreikusten da.
Hego Amerika, Europa eta bereziki Espainia, Frantzia eta Portugal, KIDEko merkatu nagusiak
Kide beti izan da bere kalitatezko zerbitzuagatik, gertutasunagatik eta erantzuteko duen azkartasunagatik. Mario Lópezentzat, "Horiek izan beharko dira gure nortasun-ezaugarriak, eta gure balio bereizgarri nagusiak". Berriatuko kooperatibak ez du produktuaren dibertsifikazioaz hitz egin nahi, eta nahiago du produktua bezero bakoitzera egokitzea. "Bezeroaren beharretara egokitu behar dugu, eta behar dutenari erreparatu behar diogu beti. Kidek harreman hori oso ondo garatzen jakin du ia bere historia osoan. Gure balio bereizgarri nagusia da. Bezeroak zer nahi duen jakitea, bere beharretara egokitzea eta bere eskaerei kalitatez eta hurbiltasunez erantzutea ".