20 urteko ibilbide arrakastatsua ospatu du Gerodan kooperatibak

Hogeigarren urteurrena ospatzeko ekitaldi xume baina aldi berean hunkigarria egin du Gerodan koopertibak, enpresaren instalazioetan, Azpeitian. Bertan izan ziren, besteak beste, Pello Rodriguez MONDRAGONeko presidentea eta Leire Mugerza MONDRAGONeko Kongresuko presidentea.
Card image cap
Ana Larrañaga, Gerodan-eko Barne Gestioko arduraduna; Pello Rodríguez, MONDRAGONeko presidentea; Juan Larrañaga, Gerodan-eko zuzendari nagusia; Luis Manterola, Gerodan-eko presidentea; Santi Pérez Caballero, Gerodan-eko zuzendari komertziala; y Javier Amezaga, MONDRAGONeko Ekipamendu Dibisioko presidenteordea.
2025/04/04

Gerodanek familian ospatu zuen hogeigarren urteurrena. Atzo egin zuen, bi hamarkada hauetan 'enpresa-abenturaren' protagonista izan diren pertsonekin izandako topaketa xume eta hunkigarrian. Kooperatibaren Azpeitiko instalazioak izan ziren kooperatibaren sorrera, arrakasta momentu eta une delikatuak gogoratzeko lekurik onena, eta, batez ere, etorkizunari baikor begiratzen dion proiektuaren 20. urteurrena ospatzeko lekurik egokiena.

ARTE8886.JPG

Ekipamendu Dibisioko kooperatiben ordezkariak Azpeitian egindako ekitaldian.

Ana Larrañagak, Gerodaneko Barne Kudeaketako arduradunak, eta proiektu sozio-enpresarialaren arimetako batek ireki zuen ekitaldia, bertaratutako pertsona guztien presentzia eskertuz. Ondoren, Luis Manterola Gerodaneko presidenteak hartu zuen hitza. Manterolak eskerrak eman zizkien langile guztiei, haiek erakutsitako konpromisoagatik eta dedikazioagatik. Ez zuen inor ahaztu nahi izan, "Javier, Ingrid, Alvaro, Aizea, Leire, Xebastian, Jesus, Maite, Eli, Ivano, Itziar, Maite, Ane, Borja eta Eva", eta Gerodanek geriatriaren esparruan eta hotelen sektorean egindako lana nabarmendu zuen, "oso aldakorrak diren sektoreetan irtenbide berritzaileak eskaintzen dihardugu, bidea egiten".

Manterolak proiektuan parte hartu duten pertsona guztiak gogoratu zituen. MONDRAGON Korporazioari ere eskerrak eman zizkion bereziki, "hasieratik eta batez ere une zailenetan emandako laguntzagatik".

ARTE8793.JPG

Gerodanen bizitza lerroa

Gerodaneko zuzendari nagusi Juan Larrañagak 2005ean hasitako bidearen mugarri nagusiak nabarmendu zituen. Enpresaren oraina eta etorkizuna markatu duten momentuz betetako bizi-lerro baten laguntza grafikoarekin egin zuen. "Erreferenteak gara geriatrian eta hospitalityan. Interiorismoaren esparruan jauzi handia eman dugu eta onak gara, eta Flexi Living-en sakontzen jarraituko dugu. Tenerifen showroom iraunkorra ireki dugu, eta MONDRAGON Hospitality eta MONDRAGON Health kluster korporatiboetan gaude. Era berean, proiektu arrakastatsuak garatu ditugu Dikarren, MONDRAGONen egoitza korporatiboan eta Mondragon hotelean".

Juan Larrañagak kooperatibak bizi duen une 'gozoa' azpimarratu zuen, etorkizunari baikortasun handiz begiratzen baitio. Larrañagak, Manterolak bezala, Korporazioaren babesa eskertu nahi izan zuen, "bereziki Juan Andres Joaristi 'Atano'-rena, unerik txarrenetan beti izan baitzen babesa guretzat", ziurtatu du Gerodaneko zuzendari nagusiak.

Bideo historiko batek eta Xebastian Lizasoren bertsoak eman zioten amaiera 20. urteurreneko ekitaldiari. Ondoren, bertaratutako guztiek Ausolaneko Sharmak zerbitzatutako luntx batez gozatu ahal izan zuten.

Zaharrei egokitutako altzariak