Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
MondragonLingua, Irrien Lagunak eta Pausoka Elkarteak bat egin dute ikuskizun eta haur-jolasen jardunaldia antolatzeko
![Card image cap](https://www.tulankide.com/eu/mondragonlingua-irrien-lagunak-eta-pausoka-elkarteak-bat-egin-dute-ikuskizun-eta-haur-jolasen-jardunaldia-antolatzeko/@@images/c19c731e-def0-4b48-868f-fac49c0404b4.png)
Enpatia lortzeko komunikazioa hobetzea xede izanik, MondragonLingua, Irrien Lagunak eta Pausoka Elkarteak elkarlanean aritu dira, behar bereziak dituzten neska-mutilen errealitatea ezagutzera emateko. Jaialdia Donostiako Koldo Mitxelenaren kanpoaldean izango da ostiralean (maiatzak 31). Bertan, antzerkia -Irriak Plazan ikuskizuna-, musika, dantza, umorea eta ingelesezko eta euskarazko tailerrak eta jokoak izango dira nagusi. Ekitaldia arratsaldeko 17:30ean hasiko da.
Festaren xede nagusia behar bereziak dituzten neska-mutilen familien errealitatea eta Pausoka Elkarteak eremu horretan egiten duen lana ezagutzera ematea da.
Jardunaldian, komunikazioaren garrantzia balioan jarriko da, aurreiritziak ekiditeko, tabuak hausteko eta gizartearen elkartasuna eta enpatia lortzeko nahitaezko baliabide bat den aldetik. Horretarako, MondragonLinguak garatutako jolas-tresnak erabiliko dira -“Superkids. Sentitu eta hitz egin. Experience & Express”- aipatutako kontzeptuak erlazionatzeko eta ideia bat igortzeko, alegia, haur guztiak bereziak direla eta izugarrizko ahalmena dutela. Jarduerak euskaraz eta ingelesez egingo dira.
Pausoka elkarteari buruz
Behar bereziak dituzten Pausoka Elkartea 2012an sortu zen, familiei laguntzeko sarea eratu eta ahalegin guztiak egiteko errehabilitazio integraleko zentro bat irekitzea lortzeko, baliabide faltarengatik adinez txikiko inor ez dadin tratamendurik gabe geratu. Gaur egun, bi zentro kudeatzen dituzte, bata Hernanin eta bestea Urnietan, eta horietan terapia ezberdinak eramaten dituzte aurrera, diziplina anitzeko talde baten eskutik: fisioterapeutak, logopedak, terapeuta okupazionalak, pedagogoak eta psikologoak.
Tratamendu garestiak eta zehatzak dira, bizitza osoan zehar mantendu beharrekoak, eta familia gehienek ezin diete aurre egin. Horregatik, Pausoka Elkartearen erronketako bat finantzaketa-iturri desberdinak lortzea da, familiei gastu horiei aurre egiten laguntzeko. Elkarteak une honetan behar asko ditu: terapiak mantentzeaz gainera, zentroetako instalazioak hobetu, profesionalen prestakuntza eguneratu eta baliabide materialak berritu nahi ditu. Ildo horretatik, maiatzaren 31ko jardunaldiak ikusgaitasuna eman nahi dio arazoari, gizartea kontzientziatzeko eta hezkuntza-behar bereziekin seme-alabak dituzten familien bakartasunarekin amaitzeko.