Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Mundukidek lanean jarraitzen du munduko kaltetuenei laguntza eskaintzeko
![Card image cap](https://www.tulankide.com/eu/mundukidek-lanean-jarraitzen-du-munduko-kaltetuenei-laguntza-eskaintzeko/@@images/1b5fcfb5-08bf-4a9c-84fa-1637138254c7.jpeg)
Hauxe da Mundukidek argitaratu duen komunikatua, martxoaren 30eko datarekin:
Covid-19ak eragindako pandemiak, aurretik bizi izan ez dugun egoera baten aurrean kokatu gaitu. Horrelako ziurgabetasunak, alde batetik, tokiko agintarien gomendio eta arauak betetzera behartzen gaitu. Gizartearen parte gara, eta gure jokabidea eraikitzailea izan behar da guztion onerako.
Bigarrenik, osasuna zaindu behar dugu. Gurea, gure familiarena, talde eta erakundearena. Horrela gure gizartearen osasuna ere zaintzen lagunduko dugu.
Bestalde, larrialdi honek hartutako dimentsioagatik mundu guztiko pertsonei eragiten digu, hemengoa edo hangoa den ezberdindu gabe.
Aipatutako herrialde bakoitzean, eta gure bazkideak diren tokiko erakundeekin, lanean ari gara, osasun eta segurtasuna neurri guztiak hartuta, zaurgarrienak eta krisi honegatik kaltetuenak diren pertsonen ondoan egoteko
Azkenik, egoera honen aurrean pertsonekin daukagun konpromisoa behin eta berriz aldarrikatzeaz gain, lana eta elkartasunarekiko ditugun baloreak gogoratu nahi ditugu, hauek baitira larrialdia garaitzeko bidea erakusten digutenak. Ziur gaude guztion artean lortuko dugula, Baina ez dugu ahaztu behar ELKARTASUNA ezin dela gelditu; ELKARTASUNAK LANEAN jarraitu behar duela.
Alarma egoera eta osasun-larrialdia ezarrita Mundukidek ondorengoa erabaki du:
- Lanean jarraitzea, ELKARTASUNA ezin delako gelditu.
- Batzorde Eskuordea izango da Mundukideren barruan Krisia Kudeatzeko ardura hartuko duen batzordea. Batzorde honek Mondragon, Garapenerako Lankidetzaren Euskal Agentzia eta beste erakundeekin harreman jarraituan jardungo du.
- Egoitza guztietan, talde-lana malgutasunez ezartzea, etxetik lan egin ahal izateko.
- Ekintza publikoak,ikastaroak , mintegiak eta ekitaldiak bertan behera uztea.
- Bilera presentzialak ekiditea.
- Bestelako herrialdeetan dauden lankideen egoeraren berri izateko, hurbilekoa eta iraunkorra izango den jarraipena egitea.
- Pertsona boluntarioen eta praktiketako ikasleen aurrez aurreko jarduera bertan behera uztea.
- Kanpoko norbaitek Mundukiderekin harremanetan jarri nahi izanez gero 605728258 telefonoa edo mundukide@mundukide.org korreo elektronikoa eskeintzea.