Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
MONDRAGONen gainean jakin nahi duzun guztia, Explore MONDRAGONen
"Enpresa ulertzeko modu konbentzionalarentzat mehatxu bat da MONDRAGON. Munduko lan-elkartuko kooperatiba talde handiena da eta negozioak ditu askotariko eremutan", hala dio Ander Etxeberria Otaduik, telesailaren zuzendariak. Guztira Explore MONDRAGONek 24 kapitulu ditu, eta eskuragarri daude ikus-entzunezko plataforma batean, Interneten www.exploremondragon.com atarian, euskaraz, ingelesez eta gaztelaniaz.
80 kooperatibak eta 70.000 langilek osatzen duten errealitate bat da MONDRAGON, eta lantokiak ditu mundu guztian. Zerbitzuak eta produktuak saltzen ditu 150 herrialdetan, urteko hamar mila milioi euro fakturatuz batezbeste. MONDRAGONek izaera eraldatzailea du, lehiakorra, eta interkooperazioa, jasangarritasuna eta eraldaketa digitala dira etorkizuneko lerro estrategikoak.
Explore MONDRAGONek aukera eskaintzen du hori guztia ezagutzeko, 24 kapitulutan. Kooperatibak, pertsonak, ikerketa guneak, ekintzailetzara bideratutako erakundeak eta bestelako egitasmoak bertatik bertara ezagutzera ematen ditu, "oso gurea den bertsioa eskaintzen du, MONDRAGONek berak azaltzen baitu MONDRAGON", dio Anderrek.
Askotariko publikoarentzat
Munduan Korporazioak eragiten duen interesari erantzuteko sortu bada ere, gure kooperatibetan ere interes handia piztu dezake. Alegia, kanpoko eta bertako publikoarentzat eginiko ikus-entzunezko plataforma da.
Edonorentzat eskuragarri
Urte eta erdi luzez proiektua garatu ondoren, oraingo astean argitaratu da Explore MONDRAGON, eta edonork eskuragai izango ditu bertan aurkituko dituen kapituluak, 4 eurotik 70 eurora arteko prezioetan. Azken finean, helburu onuragarriak izango ditu Mundukide Fundazioarentzat.