Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Lea Artibai ikastetxeak Lanbide Heziketa dualaren aldeko apustua egin du
Batxilerra, Lanbide Heziketa eta langabetu eta langileentzako formakuntza eskaintzen duen Markina-Xemeingo (Bizkaia) ikastetxeak, hezkuntzaren berrikuntzaren aldeko apostua egiten jarraitzen du laneratzea bultzatzeko. Hori dela eta, 2012tik inguruko enpresekin elkarlanean Lanbide Heziketa Dual programa sustatzen da eta horrela, ikasleek aldi berean formakuntza eta laneratze aukera dute nahi izanez gero.
LH Dual programen helburua epe luzera, gazteen langabetu tasa murriztea eta ikasgeletan ikasitakoa praktikan jartzea baino ez da.
Lanbide Heziketako arduradunen hitzetan, hurrengo urteetan finkatuko den joera bat da. Izan ere, Europan oso arrakastatsua izaten ari da empresa eta ikastetxeen elkarlaneko eredu hau. Adibide gisa, Austria, Danimarka, Herbeherak eta Suizako gazteen % 40 eta 70ak bide hau aukeratu du azken urteotan.
Lanbide Heziketa Dual-a, 1529 Errege-Dekretuaren bitartez araututa dago Espainian 2012tik eta ikastetxe eta enpresen egokitzapen zehatza eskatzen du, hala nola, programako tutoreak formatzea eta prestatzea, ikastetxe eta enpresaren artean ordutegia adostea, ikastetxe bakoitzak bete behar dituen betekizun eta konpetentziak ezartzea eta beste hainbat balditza eta zehaztapen.
Lea Artibai Ikastetxeko ikasleek Lanbide Heziketa Dual programaren baitan parte hartzen duten enpresak sektore eta kokapen ezberdinetakoak dira: industriagintzako Cikatek, Jeremias, Cikautxo, Eika, Ketxe, Electroimanes de Accionamiento Nafsa, Furesa, Kautenik, Santillan, Xuri Burdindegia edo Ermua Tools , eta zerbitzuetako Mapfre, Oizbarren, Itsas Mare esaterako.
Lea Artibai ikastetxean Lanbide Heziketa Dual-a aukeratzen dutenen batazbestekoa, ikasturte bakoitzeko, 20 ikaslekoa da, eta gutxiengoa bada ere momentuz, satisfazio maila oso handia izaten ari da.