Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Mondragon Unibertsitateko ingeniaritzako 177 tituludunek diplomak jaso dituzte
![Card image cap](https://www.tulankide.com/eu/mondragaon-unibertsitateko-ingeniaritzako-177-tituludunek-diplomak-jaso-dituzte/@@images/9e8fba3d-6121-4c9c-b52c-9874b41166b0.png)
Mondragon Unibertsitateak diplomak eman zizkien 2013-2014 promozioko Industria Ingeniaritza Teknikoko eta Graduko ikasleei pasa den ostiralean, martxoak 27, Arrasateko Amaia antzokian. Guztira 177 ikaslek jaso zituzten diplomak, horietatik 51 emakumeak direlarik. Gainera, EURACE zigilua duen Ingeniaritza Mekanikoko Graduko ikasleen lehen promozioak jaso zuen diploma. Zehazki, Ingeniaritza Mekanikoko 56 ikaslek jaso zuten, dagokien diplomarekin batera, ingeniaritza batek Europan jaso dezakeen egiaztagiririk ospetsuena eta desiratuena: EURACE europar ingeniariaren egiaztagiria. Izan ere, Mondragon Unibertsitateko Goi Eskola Politeknikoak ematen duen Ingeniaritza Mekanikoko Gradua EURACE europar ingeniariaren egiaztagiria lortu duen lehen ingeniaritza da Estatuan, Madrilgo Carlos III Unibertsitatearekin batera. EURACE zigilua lortzeko Europako Unibertsitate Eremuan aintzat hartzen diren kalitateari, garrantziari, gardentasunari, aitorpenari eta mugikortasunari lotutako printzipioak ebaluatzen dira.
Diplomak emateko ekitaldian, Txomin Nievak, CAF Power & Automation-eko Produktu Teknikoaren Garapeneko zuzendariak, “Experiencias, vivencias y lecciones para el futuro” izenburuko hitzaldia eman zuen.