Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
MONDRAGON: “engainuaren teoria” zentzurik gabeko asmakeria da
![Card image cap](https://www.tulankide.com/eu/mondragon-201cengainuaren-teoria201d-zentzurik-gabeko-asmakeria-da/@@images/89f25252-429f-4a47-88cb-fe59d241aca5.jpeg)
Bista MONDRAGONeko idazkari nagusi Arantza Laskurainen deklarazioarekin hasi da, Korporazioaren ordezkaritzan, eta lekuko moduan parte hartu dute Txema Gisasolak, MONDRAGONeko Kontseilu Orokorreko lehendakari ohiak; Fabian Bilbaok, Fagor Etxetresna Elektrikoetako zuzendari nagusiak, eta Jose Mari Aldekoak, MONDRAGONeko Kontseilu Orokorreko lehendakari ohiak. Nabarmendu daiteke demandatzaileen aldeak azken orduan baztertu egin duela MONDRAGONeko finantza saileko zuzendari Belen Kortabarriari deklarazioa hartzea, beraiek aurrez eskatu zuten lekukoa izanik.
Gaur egindako ahozko bistan, aipatutako dokumentazio guztia zorrotz aztertu eta gero, egiaztatu da Korporazioaren urteko txostenetan eta barne aldizkarian FEE/Edesatik landu eta bidalitako testuak “literalki” argitaratu zirela, hainbat unetako egoera islatzen zuten datu ekonomikoak zirelarik. Bilbon egindako solasaldian FEE/Edesari egin zitzaion aipamen bakarra izan zen une hartan hainbat banku erakunderekin itxi berri zuen birfinantzaketa bati buruzkoa.
Gainera, MONDRAGON “engainuagatik” akusatzen dute, Korporazioa eta bere kooperatibak direnean FEE/Edesaren krisiaren hartzekodun nagusiak, batez ere elkartasun gisa eman zuten laguntza ekonomikoagatik, 331 milioi euroraino, modu solidarioan egoera bideratzen saiatzeko.
Ondorioz, MONDRAGONek berretzi du “inola ere ez zirela mezu horiek transmititu eta ez zela inongo konpromisorik hartu FEE/Edesako bazkideek pentsa zezaten bideragarritasunaren bermerik zegoela edo Korporazioak ekarpenak itzuliko zituela”. Izan ere, MONDRAGONek baieztatzen du erantzukizuna, kooperatiba autonomo eta burujabeak diren heinean, Fagor Etxetresna Elektrikoena eta Edesarena baino ez dela, eta demandatzaile guztiek osorik ezagutzen zituztela beraien kooperatiben erabakiak eta arriskuak, eta aktiboki parte hartzen zutela, kudeaketa organoetan zein Batzar Nagusietan, etorkizunari buruzko jarduera ildoak onartzen zituztenean.
Azkenik, kooperatiben konpromiso argia eta erabatekoa nabarmendu daiteke, enplegatzeko irtenbideak emateko orduan, kooperatiben arteko elkartasunerako mekanismoen bitartez. Errealitate horrek ahalbidetu du eragindako 1.895 bazkideen ia %100ek gaur egun irtenbide bat izatea.