Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Saharar Herriaren arrakala digitala murrizteko elkarlanean
Arizmendi Ikastolako Lanbide Heziketako Mikroinformatika zikloko ikasle eta irakasle taldea, Berrerabilpen eta Prestakuntza Zentroa (BPZ) proiektuan lanean aritu da azken ikasturteetan. Duela bi urte abiatu zuten ekimen honetan, enpresa zein norbanakoen ordenagailu zaharrak jaso eta gobernuz kanpoko erakunde ezberdinen bitartez doaitzan eman, edo prezio sinboliko batean saltzen dituzte. Bada, azkenaldian BPZ ekimena aurrerapauso politak ematen ari da; horren adierazle da Saharar Herriarekin batera abiatzear daukaten elkarlana. Izan ere, hango eskola bati ekipamendua helaraziz, Saharar ikasleei laguntzea da Arizmendiko Lanbide Heziketakoen asmoa, eta ordenagailu batzuk egokituko dituzte Saharar Herriak Argeliak utzitako lur zati batean duen eskola batera bidaltzeko.
Azken ikasturteetan ordenagailu dezente jaso dituzte dohaintzan norbanako zein inguruko erakunde ezberdinetatik: TE Connectivity, Aranzadi Ikastola, Ederlan, Goizper, Koniker, Batz, EMUN, Oñati Gestio Heziketa, Mondragon Lingua, Domusa Teknik…
Hainbat elkarteren esku
Jaso dituzten gailuak aztertu, prestatu eta berregokitu egiten dituzte, ondoren dohaitzan emateko. Brasilgo eskola ibiltariak, Euskadi-Ukrania, Zaporeak, AED, Zehar errefuxiatuak, Arizmendi Ikastolako Oinarrizko Lanbide Heziketa, Caritas Goierri eta Yaakar Aretxabaleta elkartearen esku jarri dituzte gailuak, besteak beste. Etorkizun hurbilean, aipatutako Saharar herriko eskolari, Seaskari zein Senegaleko Gandiol herrian kokatuta dagoen beste eskolara batera ordenagailuak bidaltzea da ekimen honen asmoa.
Proiektuak aurrera jarrai dezan BPZkoentzat oso garrantzitsua da inguruko norbanako, erakunde, kooperatiba zein enpresekin zubiak eraikitzen jarraitzea, eta hainbat erakunderekin elkarlanerako urratsak ematen hasiak dira (Danobat, Koniker, Elkartenet, EMUN…). Sare hau hedatzen jarraitzeko lanean jarraitzen dute.