Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Laboral Kutxak Euskadi Fundazioaren proiektua laguntzen jarraituko du
![Card image cap](https://www.tulankide.com/eu/laboral-kutxak-euskadi-fundazioaren-proiektua-laguntzen-jarraituko-du/@@images/d3fa7884-80f1-4f97-af88-048d4a18dfa2.jpeg)
Laboral Kutxaren Arrasateko egoitza nagusian, euskal kreditu-kooperatiba horrek Euskadi Fundazioaren gizarte- eta kirol-proiektuarekin duen lotura eta konpromisoa azpimarratu zituen aurkezpenean Marije Etxaniz komunikazio-zuzendariak. Zehazki, azpimarratu zuenez, oinarriko taldeei laguntza ematen jarraitzeaz gain, "jauzi kualitatibo handia" egingo da emakumeen egitura bultzatzeko, 2024tik aurrera WorldTourrean plaza bat lortu nahi baitu. "Proiektu integratzailea da, kooperatibismoaren ezaugarrietan oinarritutako eredu profesionalizatuaren alde egiten duena. Eredu horretan funtsezkoak dira emakumeak eta gizonak berdin kontuan hartzen dituzten balio inklusiboak, eta Laboral Kutxa taldeko kirolariak eredu eta palanka eraldatzaile dira gizarteko gainerakoentzat", gaineratu zuen Etxanizek.
Aitor Galdosek, emakumezko taldearen manager nagusiak, taldearen ibilbide-orria eta kirol-erronkak azaldu zituen. Taldeak 2029ra arte du ziurtatua babes nagusia. 2019an sortu zenetik, Laboral Kutxak urratsak egin ditu, UCI Continental taldea izanik 2021etik, eta orain WorldTour taldea izan nahi du 2024tik aurrera, emakumezkoen txirrindularitzaren kategoria gorenaren mailako urteko aurrekontuarekin. Galdosen esaneta, erronka da "erreferentziazko taldea" izatea nazioartean, "emakumearen irudia indartuz, harrobiko txirrindulari gazteei beren kirol-ametsak betetzeko aukera emanez eta euskal emakumezkoen txirrindularitzaren bandera munduan altxatuz", azpimarratu zuen.
Hasitako bide horretan eskutik doaz Laboral Kutxa, babesle nagusia; HZ EIDF Energy, bigarren babeslea; Euskadi Fundazioko bi bidelagun, hala nola Orbea eta Etxeondo, eta proiektuarekin leialki konprometituta dauden beste enpresa batzuk: Urbycolan, Irizar eta Skoda Menabi.
Txirrindulariak
Hauek izango dira 2023ko Laboral Kutxa taldea osatuko duten txirrindulariak: Naia Amondarain (berria), Mireia Arriazu (jarraitu egingo du), Inés Cantera (berria), Ariana Gilabert (jarraitu egingo du), Yurani Blanco (jarraitu egingo du), Tania Calvo (jarraitu egingo du), Idoia Eraso (jarraitu egingo du), Lija Laizane (berria), Eider Merino (berria), Usoa Ostolaza (jarraitu egingo du), Nadia Quagliotto (berria), Marta Romeu (berria), Alba Teruel (berria), Aileen Schweikart (berria), Mireia Trías (berria) eta Eneritz Vadillo (berria).