Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Sinfonia Kooperatiboaren bira arrakastarekin abiatu da Arrasatetik
Sinfonia kooperatiboa bi egunez entzun ahal izan da, ostiralean eta larunbatean, Arrasateko Amaia Antzokian. Humanity at Music, sinfonia kooperatiboak mila lagun batu ditu lehenengo zuzeneko hitzorduetan eta aurrerantzean Euskal Herriko beste zenbait herri eta hiriburutan ikusteko aukera izango da Gasteizko Buesa Arenako irailaren 14ko hitzordu handiaren aurretik.
Ekitaldiak Arrasateko plazatik abiatu ziren, non Amets Arzallus eta Julio Soto bertsolariek saioei hasiera eman zieten, Debagoieneko txistulariekin eta Goikobalu, Iubilo Bilbao eta Arizmendi Ikastolako abesbatzekin batera.
Esperientzia kooperatiboa dantzatu eta kantatu daiteke ikuskizun dotorean
Zuzeneko aurreneko ikuskizunak Arrasate Musikaleko Orkestraren musikariak izan zituen protagonista eta haiekin batera hainbat kooperatibetako abeslariak, Goikobalu, Iubilo Bilbao eta Arizmendi Ikastolako abesbatzak aritu ziren. Guztiek erakutsi zuten "MONDRAGONeko esperientzia kooperatiboa dantzatu eta kantatu daitekeela" ikuskizun dotorean. Era berean, ekitaldian obrari letrak jarri dizkion Jon Sarasua eta beste zenbait kooperatibistak ere parte hartu zuten.
Hurrengo hitzorduak
Humanity at Music, Herriz Herri ikuskizuna beste zenbait herri eta hiriburutan ikusteko aukera izango da irailaren 14a bitartean. Besteak beste, dagoeneko prestatzen hasiak dira Aretxabaleta, Oñati, Tafalla eta Iruñeko zuzenekoak, eta litekeena da Bizkaia eta Gipuzkoako beste herriren batzuetan ere zuzeneko ikuskizunaz gozatzea.