Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Fagor S. Coop.ek Fagor marka erabiltzeko lizentzia eman du lerro zuriko etxetresna elektrikoen arloan
![Card image cap](https://www.tulankide.com/eu/fagor-s-coop-ek-fagor-marka-erabiltzeko-lizentzia-eman-du-lerro-zuriko-etxetresna-elektrikoen-arloan/@@images/ab882a15-1fe7-4b53-99cb-955c7f394dee.jpeg)
Fagor S.Coop.ek eta Amica S.A.k, gaur, irailak 5, marka erabiltzeko lizentzia kontratua sinatu dute, eta FAGOR markarekin lerro zuriko etxetresna elektrikoak esklusiboki ekoitzi eta banatzeko aukera eman dio multinazional europearrari.
Kontratu hau 2019an zehar Kantabriako Cantra S.L. eta Frantziako Euromenage sozietateekin adostutako akordioei batzen zaie. Akordio horien bidez, bi sozietateei FAGOR marka erabiltzeko lizentzia eman zitzaien sukaldeko tresnen sektorean eta tamaina txikiko etxetresna elektrikoen sektorean, hurrenez hurren.
Markak, kasu guztietan, Fagor S.Coop.en jabetzakoa izaten jarraituko du.
Akordio horiekin guztiekin, milaka kooperatibistek hamarkadetan zehar eraikitako marka prestigiotsuaren presentzia bermatuko du aipatutako sektoreetan.
Fagor S.Coop.-i buruz:
Fagor S. Coop. sektore anitzeko eskualde mailako talde bateko kooperatiba da. Kooperatiba hauek osatzen dute: Fagor Arrasate, Fagor Automation, Fagor Electrónica, Fagor Industrial, Copreci, Fagor Ederlan, Mondragon Assembly eta Galbaian.
Fagor S. Coop.-en bazkidetutako kooperatibek 100 herrialdetan baino gehiagotan lan egiten dute eta 30 ekoizpen-filial eta 50 merkataritza-ordezkaritza dituzte.
10.000 lagunek egiten dute bertan lan (horietako 5.000-k Euskal Herrian). Beren eredu sozioenpresialarengatik ezagunak eta aitortuak, Fagor S.Coop. osatzen duten kooperatibak Mondragon Korporazioko kide dira.