Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Eroskik 12 milioi euro ordaindu dizkie interesetan inbertsoreei
![Card image cap](https://www.tulankide.com/eu/eroskik-12-milioi-euro-ordaindu-dizkie-interesetan-inbertsoreei/@@images/70962ae9-7391-4d0c-904a-802ef9c33980.jpeg)
Eroskik urtarrilaren 31an abonatu zituen Mendeko Finantza Ekarpenei dagozkien urteko interesak, %2,541eko interes tasan 2002ko eta 2004ko jaulkipenetarako, eta %2,041etan 2007korako. Gaur berriz, Mendeko Obligazioen urteko interesak abonatuko ditu, %2,541eko tasan. Guztira, 11,7 milioi euro abonatuko dizkie interesetan inbertsio tituluak dituztenei.
Eroskik MFEen lehen jaulkipena egin zuenetik (2002an), kooperatibak zuzen ordaindu dizkie urteko interesak inbertsiogileei; dagoeneko, 423 milioi euro guztira. MFEak eta Mendeko Obligazioak ordaintzeko, zeina ez baita kooperatibaren emaitza ekonomikoen araberakoa, erreferentzia gisa Euriborra gehi hiru puntu hartzen du MFEen 2002ko eta 2004ko jaulkipenetarako eta Mendeko Obligazioetarako eta %2,5eko diferentziala MFEen 2007ko jaulkipenerako.
Abonu horren bitartez, MFEa 2002an hartu zuen inbertsiogile batek dagoeneko hasierako inbertsioaren %90 jaso du interesetan, eta %99 orain urte bat iraungitzen diren Mendeko Obligazioen trukea egin bazuen. MFEen 2004ko inbertsiogile batek, berriz, %77 hartu du dagoeneko interesetan, eta, trukea egin bazuen, %86; eta 2007ko batek bere inbertsioaren %52 jaso du, edo %61, trukea egin bazuen.
2023 urterako, interes tasa %6,368an geldituko da (%3,368 + %3ko diferentziala) MFEen 2002ko eta 2004ko jaulkipenetarako eta Mendeko Obligazioetarako, eta %5,868an (%3,368 + %2,5eko diferentziala) 2007korako, eta guztiak abonatuko dira datorren urtean.