Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Fagor Groupek eta Robamek Joint-Venture bat ezarri dute Txinan De Dietrich merkaturatzeko
![Card image cap](https://www.tulankide.com/eu/fagor-group-y-robam-establecen-una-joint-venture-para-la-comercializacion-de-electrodomesticos-de-dietrich-en-china/@@images/51ebddc0-2c6f-4164-a60f-5c8e9b522cda.jpeg)
Hangzhoun (Shanghaitik hurbil) dagoen familia enpresa bat da Robam, egosketan eta ahokaduran espezializatua, eta bere salmentak 120 milioi ingurukoak dira, merkatuaren erdialdeko segmentuetan kontzentratuta. Robamek bere sarean 58 salmenta bulego, 1.500 saltoki esklusibo, beste 5.000 saltoki eta saldu ondoko 2.000 zentro ditu, eta merkatuaren goiko segmentuan merkatuko ahokaduraren %50 bereganatu nahi du, Fagor Groupekin adostutako hitzarmenaren bitartez.
Horrenbestez, sozietate berri bat eratu da De Dietrich marka merkaturatzeko, eta, erabakitzeko ahalmenari dagokionez, Fagor Groupek ahalmen handiagoa izango du, kontseilukide gehiago izango dituelako; Robamek, berriz, bere sare komertziala zabalaren eta bezeroaren arretarako zerbitzuen bitartez merkatuan duen esperientzia eskaintzen du.
Hitzarmen hau Fagor Groupen estrategiaren barruan kokatzen da, datozen urteetan hazkunderik handiena izango duten merkatuetan presente egoteari dagokionez. Aldi berean, ekimena Txinan hedatzeko proiektuaren diseinuaren barruan kokatzen da: bertan europar jatorriko goi mailako etxetresna elektrikoen merkatuaren hazkunde handia gertatzen ari da, eta De Dietrich markaren berezko balioak diren bikaintasunak, dotoreziak eta abangoardiak oso harrera ona izango dute.