Irakurriena
- 1. "Jaguar Land Roverrek funtsezko laguntzaile teknologikotzat hartzen gaitu"
- 2. Mondragon Unibertsitateak hamar titulu berri eskainiko ditu hastear den ikasturtean
- 3. Laboral Kutxa, Espainiar estatuko bigarren banketxerik onena Forbes aldizkariaren arabera
- 4. LABORAL Kutxak 134 milioi euroko irabaziak lortu ditu 2024ko lehen seihilekoan
- 5. Felix Ormaetxea Uribetxebarria zendu da
- 6. MONDRAGONek inBiot startupean inbertitu du
- 7. MONDRAGONek bere urteroko Kongresua egin du Bilbon
- 8. “Abentura zirraragarria izan da”
- 9. HIREKIN industria jasangarriko zentro berritzailea inauguratu du Mondragon Unibertsitateak
- 10. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
Goi Eskola Politeknikoak eta Siemensek hitzarmena sinatu dute
![Card image cap](https://www.tulankide.com/eu/goi-eskola-politeknikoak-eta-siemensek-hitzarmena-sinatu-dute/@@images/5617cfa9-331d-4e1e-a28d-17977e6ead8c.jpeg)
Siemens eta Mondragon Goi Eskola Politeknikoak elkarlaneko esparru-hitzarmen bat sinatu dute, automatizazio industrialarekin eta digitalizazioarekin lotutako lankidetza-jarduerak proposatzeko.
Bi erakundeek, esparru-akordio batean, konpromisoa hartu dute xede hauetarako baterako jarduerak proposatzeko: irakasleak prestatzeko, hezkuntza-edukiak hornitzeko, laborategietarako ekipamendua eskuratzeko eta ekitaldiak antolatzeko. Hitzarmenak prestakuntza arautuko eta etengabeko prestakuntzako jarduerak garatzeko elkarlanean aritzea ere aurreikusten du geroago, eta I+G+b zerbitzuak emateko aukera zabalik uzten du.
Halaber, akordio horren ondorioz, bi erakundeek elkarlanean jardungo dute interes komuneko esparru zientifiko eta teknologikoak garatzen, arreta berezia jarriz talentuan eta profesional gazteen sustapenean.
Unibertsitateak industriaren beharrei erantzuteko duen estrategiari erantzuten dio akordioak, etorkizuneko profesionalen prestakuntza sustatzen baitu, horiek enpresen etorkizuneko erronkei erantzun ahal izan diezaieten.
Siemens-en helburu nagusia, hezkuntzaren arloan, irakasleei kalitatezko edukiak eskaintzea da, ikasitakoa ikasleei transmititu ahal izateko. Teknologiaren aurrerapen azkarraren ondorioz, beharrezkoa da hezkuntza egokitzea, unibertsitateko irakaskuntzaren eta enpresen benetako beharren artean arrakalarik egon ez dadin.
Duela 20 urte baino gehiagotik, Siemensek prestakuntzaren aldeko apustua egin du, industria-sektore desberdinetan langile gaituagoak lortzeko. Unibertsitateaz gain, prestakuntza duala ere tresna ona da hezkuntza enpresa-errealitatera hurbiltzeko. Konpainiak prestakuntza dualeko lau programa ditu, eta hitzarmen bat Universidad y Empresa Fundazioarekin. Horren bidez, urtero 200 ikaslek baino gehiagok egiten dituzte praktikak Siemensen.
Duela gutxi, konpainiak lankidetza estua izan du Hezkuntza eta Lanbide Heziketako Ministerioarekin, industria-fabrikazioaren alorreko 500 irakasle baino gehiago prestatzeko, 4.0 Industriaren digitalizazioari buruzko azken joeretan. Hauek izan dira prestakuntza-programa horretan garatu diren gaiak: Zibersegurtasuna, Biki Digitala, Virtual Commisioning, Cloud eta Edge Computing, besteak beste.