Irakurriena
- 1. "Jaguar Land Roverrek funtsezko laguntzaile teknologikotzat hartzen gaitu"
- 2. Mondragon Unibertsitateak hamar titulu berri eskainiko ditu hastear den ikasturtean
- 3. Laboral Kutxa, Espainiar estatuko bigarren banketxerik onena Forbes aldizkariaren arabera
- 4. LABORAL Kutxak 134 milioi euroko irabaziak lortu ditu 2024ko lehen seihilekoan
- 5. Felix Ormaetxea Uribetxebarria zendu da
- 6. MONDRAGONek inBiot startupean inbertitu du
- 7. MONDRAGONek bere urteroko Kongresua egin du Bilbon
- 8. “Abentura zirraragarria izan da”
- 9. HIREKIN industria jasangarriko zentro berritzailea inauguratu du Mondragon Unibertsitateak
- 10. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
Kooperatibek bat egin dute UD@ proiektuarekin
![Card image cap](https://www.tulankide.com/eu/kooperatibek-bat-egin-dute-ud-proiektuarekin/@@images/97d9e927-2634-4ea4-bd9c-283d806b8dff.png)
Gazteengan drogomenpekotasunak dituen ondorioetaz sentsibilizatuta, UDA Aretxabaletako kirol elkarteak hitzarmena sinatu zuen 2017an San Juan de Dios ospitalarekin.
Ordutik, hainbat ekintza egin dituzte elkarrekin eta bidean beste eragile batzuk ere gehitu dira ekimenera: Aretxabaleta eta Eskoriatzako ikastetxeak, bi herrietako udalak, guraso elkarteak, Mondragon Unibertsitatea eta baita inguruko enpresak, besteak beste Mondragon Assembly, Copreci, Ausolan eta Fagor Taldea.
Kirola aintzat hartuta, droga kontsumoen ondorioz gaixotasun mentalak dituzten pertsonak eta gazteak elkartzen ditu ekimen honek. Horrela, kirolean jokatzeaz haratago, lan taldeetan sustantzien kontsumoaren inguruan hausnartzea izango da helburua.
Kirol jardunaldiak eta hitzaldiak
Eragile ezberdinekin elkarrekin aurkeztu zituzten atzo maiatzak 14, Donostian izango diren ekintzak.
Egitarauak bi ekintza mota ezberdin izango ditu. Alde batekin kirol jardunaldiak, Donostiako Bentaberri kiroldegian egingo direnak. Eta bestetik, adituen hitzaldiak, Donostiako Arkitektura fakultatean.
1. Ekainaren 5ean eta 6an kirol jardunaldiak
Kurtzebarri ikastetxe eta Arizmendi Ikastolako DBHko 4. mailako neska mutikoek hartuko dute parte, San Juan de Dios ospitaleko pazienteekin batera. Helburua, gaixotasun mentala duten pazienteen bitartez drogen kontsumoak dakarren ondorioetaz hausnartu eta kirola eta bizitza aktiboa sustatzea da.
Kirol ezberdinetako topaketak egingo dira: areto futbola, petanka, saskibaloia eta boleibola.
2. Ekainaren 7an hitzaldi irekiak
Hitzaldien xedea: gazteen arteko substantzien kontsumoa komunitatearen ikuspegitik prebenitzeko gako berriak.
Hitzaldiak:
- “Heziketa prebentziorako tresna” Hizlaria: Patricia Ros. Psikologo klinikoa da, Bartzelonako unibertsitatetik. Urte asko darama prebentzio alorrean lanean eta hainbat hitzaldi eta mintegi zuzendu ditu gaiarekin lotuta.
Ordutegia: 9:30 – 11:30
Hizkuntza: gazteleraz.
“Sustantzien kontsumoa eta ondoriozko patologia”. Hizlaria: Marta Torrens. Bartzelonako Hospital del Mar-en adikzio ezberdinen inguruko ikerketa taldeko kidea da.