Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Pertsonen Gestiorako XII. Foroa
Iragan azaroaren 29an izan zen aurtengo foroa, hamabigarrena. Aurten Tabakaleran, eta oraingoan ere MONDRAGONeko kooperatibetako Pertsonen Gestioaren arloan lanean ari direnak batu ziren, guztira 150 lagun, hausnartzeko, eta etorkizuneko erronkak partekatzeko.
Aurtengo edizioak hiru kontzeptutan jarri du fokoa: egokitzapena, malgutasuna eta azkartasuna (erabakiak hartzerakoan). Erakundeen eredu berrien ikuspegitik eta pertsonen gestioaren arlotik aztertu ziren aipatu kontzeptuak.
MONDRAGONeko presidente Iñigo Ucinek eman zion hasiera jardunaldiari. Ucinek esan zuenez, "bezeroan fokoa jartzen duten erakundeak sustatu behar ditugu; azkartasunez ikasten duten organizazioak, erabakiak hartzerakoan bizkor jokatzen duten lan-taldeak, autonomoak eta konfiantzazko harremanak sustatuko dituztenak, non pertsonak baloratuta sentituko diren".
Organizazioak eta eraldaketa
Aurten hainbat adituk ere parte hartu dute lan-jardunaldian. Horietako bat Santi Garcia izan zen Future For Work Institute-eko ordezkaria. Pertsonen Gestioan dauden tendentziak zeintzuk diren aipatu zituen Garciak.
Ondoren, Andres Ortega aritu zen, ING Espainia eta Portugal-eko Talentu eta Hezkuntza arduraduna. INGn izandako aldaketaren esperientziaren berri eman zuen. "Banketxe tradizionaletik plataforma digitalera jauzia ematerakoan jabetu gara aldaketaz. Pertsonak eta erakundeak aldatu egiten dira benetako arrazoi bat aurkitzen dutenean", adierazi zuen Ortegak.
Fernando Trias de Bes ikertzaile eta idazleak negozio eredu berriak eta enpresa eraldaketa izan zituen hizpide. "Pertsonen zuzendaritzetatik sustatu beharko da eraldaketa" adierazi zuen. Eta horretarako "planifikazio estrategikoa, metrikak, emaitzak eta prozesuak bultzatu beharko dira, beti ere kultura sortzailearen baitan".
Amaitzeko, Neils Pflaeging-ek hartu zuen hitza. Nazioarteko ikuspegia eskaini zuen ahokulari eta idazleak. Bereziki enpresetan ematen den eraldaketa prozesuak aipatu zituen.