Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
ORBEAk familian ospatu du 175. urteurreneko ekitaldi nagusia
Txirrindularitza arloko pertsona aski ezagunak elkartu dira gaur goizean Orbeak Mallabian (Bizkaia) duen lantokian 175.urteurreneko ekitaldi nagusian. Besteak beste, bertan izan dira Pedro Delgado, Miguel Madariaga, Samu Sanchez, Marino Lejarreta, Igor Gonzalez de Galdeano, Roberto Laiseka, Jon Odriozola eta Txomin Perurena. Orbea markaren enbaxadore den Santi Millan aktore eta zikloturistak ere ez du hutsik egin, eta pertsona ezagun horiekin batera, bertan izan dira kooperatibako zuzendaritzako kide guztiak, MONDRAGON Korporazioko presidentea eta baita lan-bazkide gehienak ere.
Pasioa eta etengabeko berrikuntza
Jon Fernandez, Orbeako CEOak esan duenez, "Inork ez du guk bezala etengabeko berrikuntza prozesu batean egoteko gaitasunik izan, transformazio etengabekoan" eta horri eskerrak, adierazi du "175 urte bere ditugu". Fernandezek historiako mugarri nagusienak gogoratu ditu, enpresa sortu zenetik, elkarte anonimotik kooperatibarako transformazioa bizi zuenera eta noski, karbonozko lehenengo bizikleta merkaturatu zuteneko garaia ere gogoan izan du "gure Orca izan zen", esan du.
Orbea familia osatzen duten gizon eta emakumeak ere gogoan izan ditu zuzendari orokorrak, eta noski urte horietan guztietan hil diren guztiak ere. "Etorkizunean ere gure bidea egiten jarraituko dugu, behin eta berriro sortzen, gure izaera eibartar eta euskaldunarekin, oinarri sendoak beti egon garen lekuan mantentzen, Mallabin". Bere azken hitzak balioei eskaini die: determinazioa, behin eta berriro ahalegintzea, harrotasuna, pasioa -inork baino gehiago-, ezagutza eta berrikuntza.
Santi Millan, Javier Sotil, Pedro Delgado eta Iñigo Urkullu
Jon Fernandezen interbentzioaren ondoren Santi Millanek hartu du hitza, "oso identifikatuta sentitzen naiz Orbeak transmititzen dituen balioekin" esan du aktoreak. Ondoren Pedro Delgadok 1985eko Espainiako Itzulia ekarri du gogora. "Inork espero ez zuenean irabazi nuen lasterketa hura, Orbearekin". Javier Sotil, MONDRAGONeko presidenteak, Orbeak nazioartera egokitzeko erakutsi duen ahalmena azpimarratu du, eta bukatzeko, Iñigo Urkullu lehendakariak administrazioaren babesa beti izango dutela esan die Orbeako ordezkariei.
Bisita gidatuak
Ekitaldi nagusiaren ondotik, gonbidatuek, taldeetan banatuta bisita gidatuak egiteko aukera izan dute, eta bertatik bertara ezagutu dute Mallabiko lantokia.
Gaurko ekitaldiaren argazki bilduma: https://www.flickr.com/photos/tulankide/albums/72157663647211371/with/23891732143/