Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
MONDRAGON eta Euskara, TU Lankideren azaleko gaia
![Card image cap](https://www.tulankide.com/eu/mondragon-eta-euskara-tu-lankideren-azaleko-gaia/@@images/75d8d70f-06d4-4e1e-a244-b8f58cefcc6e.jpeg)
Euskararen normalizazioan erreferente bilakatu dira MONDRAGON eta bere kooperatibak eta praktika ezberdinak martxan jarri dituzte kooperatibetan: zerbitzua euskaraz emateko neurriak hartu, euskara kooperatibaren estrategian txertatu, arnasguneak identifikatu eta babestu, eta euskara eskolak eskaini, besteak beste. MONDRAGONeko organo gorenak, Batzorde Iraunkorrak, euskaraz lan egitera iristeko urratsa sendoak eman ditu eta erreferente da gainerako kooperatibentzako ere.
Aldizkaria ikusi: https://www.tulankide.com/eu/papereko-edizioa
Eraikuntza Dibisioa
Dibisioen atalera Eraikuntzarena ekarri dugu, Iker Alberdi MONDRAGONeko lehendakariorde eta Eraikuntza Dibisioko zuzendari nagusiari egindako elkarrizketarekin. Emaitza onekin amaitu du dibisioak, nahiz eta kooperatiba bakoitzak portaera desberdina izan duen. Alberdik garbi du zein den etorkizuneko erronka: “negozio sendoak izatea, lehiarako posizio onarekin”.
Elkarrizketak
Elkarrizketekin jarraituz, Txomin García Laboral Kutxako lehendakaria elkarrizketatu dugu, erretiroa hartu aurreko egunetan. Egin duen bideaz eta kooperatiba taldeko kideez “harro” dagoela dio.
Arantxa Gonzalez de Herediari egindako elkarrizketa ere oso interesgarria da. Diseinu inklusiboaz eta zahartzaroaz hitz egin dugu berarekin.
Dagoeneko ohiko bihurtu diren atalei dagokienez, Fagor Taldeko auto-gidaria da protagonista Lanbidea sailean eta Nogen taldea Euskal Kulturan.
Goian aipatutakoez gain, beste irakurketa, iritzi eta bitxikeria batzuez gozatzeko aukera izango da TU Lankideren 627. zenbakian.
Aldizkaria ikusi: https://www.tulankide.com/eu/papereko-edizioa