Irakurriena
- 1. "Jaguar Land Roverrek funtsezko laguntzaile teknologikotzat hartzen gaitu"
- 2. Mondragon Unibertsitateak hamar titulu berri eskainiko ditu hastear den ikasturtean
- 3. Laboral Kutxa, Espainiar estatuko bigarren banketxerik onena Forbes aldizkariaren arabera
- 4. LABORAL Kutxak 134 milioi euroko irabaziak lortu ditu 2024ko lehen seihilekoan
- 5. Felix Ormaetxea Uribetxebarria zendu da
- 6. MONDRAGONek inBiot startupean inbertitu du
- 7. MONDRAGONek bere urteroko Kongresua egin du Bilbon
- 8. “Abentura zirraragarria izan da”
- 9. HIREKIN industria jasangarriko zentro berritzailea inauguratu du Mondragon Unibertsitateak
- 10. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
MB Sistemas Mexikon abiatu da Gestamperako eskari batekin
![Card image cap](https://www.tulankide.com/eu/mb-sistemas-mexikon-abiatu-da-gestamperako-eskari-batekin/@@images/cfa91587-349c-4412-9dbd-f36532d99678.jpeg)
MB Sistemas Matrici eta Batzen partaidetza duen automatizazio industrialeko ingeniaritza bat da, MONDRAGON Korporazioan integratuta dago, eta bere Mexikoko filialak kontratu bat itxi berri du Gestampekin, 3,5 milioi dolarreko balioarekin, Aguascalientes estatuan (MX) soldadurako instalazio batzuk hornitzeko. Pueblan kokatuta dagoen filial produktiboaren lehen eskaria da, eta oso mugarri garrantzitsua da bizkaitar kooperatibaren ibilbidean, izan ere, MB Sistemasek mexikar merkatuaren alde egin duen nazioarteko apustua berresten du.
MB Sistemas Mexikon ezartzeak, 2014an martxan jarritako nazioartekotze planaren barruan, sarbidea eman dio iparramerikar merkaturako, hornitzaile lokal moduan, eta, ondorioz, jardueraren esparru geografikoa indartu egin da.
MB Sistemaseko Mexikoko departamentu teknikoak soldadurako prozesu robotizatu bat garatu, ibilgailuen langak muntatzeko. Pueblako instalazio produktiboetan muntatu eta bitartekoak automatizatu ondoren, Gestamp multinazionalak Aguascalientesen duen plantan integratuko dira, erreferentzia horiek hornitzeko, Alemaniako Daimler marka abiarazteko hurrengo programaren barruan.
Lehen urratsak Mexikon
Horrenbestez, mugarri berri honekin sendotu egiten da MB Sistemas Taldeak Mexikon duen presentzia. Iaz bulego komertziala ireki zen ofizialki, eta, aurtengo ekainean, berriz, ezarpen produktiboa inauguratu zen. Plantaren azalerak 2.000 metro koadro baino gehiago ditu, eta Finsa industrialdearen ondoan dago, Mexikoko Puebla herrian.
Hemendik aurrera, kooperatibak Urdulizen duen egoitza nagusiak (Bizkaia) adi jarraituko dio merkatu haren bilakaerari, Mercosur, Europa eta Asiari euskarria emateaz gain. Eragiketa horiek guztiek aukera emango diote nazioarteko salmenten bolumenari bultzatzeko, zeina iaz salmenta guztien %42 izan zen.
MB Sistemasek azken urteetan lortu duen hazkundeari esker, eta nazioartekotzearen eta I+G+Baren aldeko apustuari esker, automozioaren sektoreko OEM (fabrikatzaileak) eta TIER1 (hornitzaileak) nagusiekin elkarlanean aritzeko aukera sortu da, kalitatearen inguruko estandarretara egokituz eta beharrezko teknologien ezagutza barneratuz. Lortutako ospearen ondorioz, MB Sistemas hornitzaile global moduan kokatu ahal izan da bere segmentuan.
MB Sistemas.
Kooperatiba misto bat da eta Matriciren eta Batzen partaidetza du, Urdulizko (Bizkaia) produkzio plantako bazkide langileen partaidetzarekin batera. Bere burua definitzeko diotenez, diziplina askoko ingeniaritza bat dira, muntaketaren eta automatizazio industrialaren eremuan soluzioak garatzeko helburuarekin. Lantaldean 50 pertsona baino gehiago enplegatuta daude, eta iaz 11,2 milioi euroko fakturazioa lortu zuen.