Irtenbide profesionalak.
Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
LKS Next MONDRAGON Health-era batu da
LKS Next Taldeak bere jarduera osasunaren, zainketen ekonomiaren eta bizitza luzeraren esparruan garatzeko apustua berretsi du MONDRAGON Health-en sartuta.
LKS Next-ek bat egiten du MONDRAGON Health osatzen duten 7 kooperatibekin, lankidetza ekimen hau bultzatzeko helburuarekin. Ekimen honetan, berrikuntzaren abangoardian dauden zerbitzuak, produktuak eta gaitasunak uztartzen dira, zientzia eta teknologia konektatuz eta ongizate pertsonalizatuko irtenbideak sortuz.
Modu honetan, LKS Next Bexen Cardio, Bexen Medical, Bihar, Erreka, Fagor Healthcare, GSR eta Osartenekin batu da MONDRAGONek osasun arloan eskaintzen duen eskaintza globalean.
LKS Next-ek MONDRAGON Health-en parte hartzea bat dator aholkularitza-enpresa gisa osasunaren, zainketen eta bizitza luzeraren ekonomian landu duen ibilbide luzearekin eta sektore horietan izan dituen erreferentzia ugariekin, hala nola 2030eko Osasun Planarekin eta Euskadiko Plan Onkologikoaren Ebaluazioarekin, edo soluzio teknologiko oso berritzaileekin, adibidez Donostiako Udaleko Gizarte Ekintzako Zuzendaritzaren Etxez etxeko Laguntza Zerbitzuaren Kudeaketa Integralarekin edo Euskadiko Elkarreragingarritasun Sanitario eta Soziosanitarioko Plataformarekin. Era berean, LKS Next-ek osasun sektoreko multinazionalei eraldatzeko prozesuetan lagundu die, plan estrategikoak garatu ditu hainbat ospitaletan eta ESIetan, irtenbide teknologikoak ezarri ditu logistika eta farmazia eta ospitale biltegiak hobeto kudeatzeko, sektore farmazeutikoko hainbat multinazionalen digitalizazioan parte hartu du, bezero gisa Frantziako osasun sistema publikoa ere kontuan hartuta (Santé publique France). Era berean, LKS Next LEGALek, LKS Next taldeko abokatu bulegoak, modu aktiboan parte hartzen du osasunaren arloko hainbat erakunderen eta klusterren aholkularitzan, eta azken 5 urteetan liderra izan da terapia eta sendagai berriak sustatzen dituzten erakunde garrantzitsuentzat I+Gko hainbat proiektu finantzatzeko egituraketak lantzen.
Osasuna, Zainketen Ekonomia eta Bizitza luzatzea da LKS Next-en unitate estrategiko bat
"Lankidetza proiektu honekin bat egiteak berretsi egiten du Ongizatearen zerbitzurako irtenbide berritzaileak garatzearen alde egiten dugun apustua, gure gaitasunak, esperientzia, aktibo teknologikoak eta aliantzak sektorearen erronken zerbitzura jarriz. MONDRAGON Health-ek 20 urte hauetan egindako lanean eta posizionamenduan parte hartzea bultzada garrantzitsua da guretzat osasunaren arloan, eta hori gure ezagutzaren ardatzetako bat bihurtu da aspalditik", adierazi du Gonzalo Fornosek, MONDRAGON Health-en LKS Next enpresaren ordezkaria izango denak.
"MONDRAGON Health-ek merkatuan duen presentzia eta ikusgarritasuna indartuko du, Estatuko aholkulari talde garrantzitsuenetako bat den LKS Next batuta, sektorearen balioari eta ezagutza zabalari buruzko proposamenekin, eta gure garapen eta berrikuntza gaitasunean bultzada eginda", adierazi du Hector Olabegogeaskoetxeak, MONDRAGON Health-eko zuzendari nagusiak.
Irtenbide profesionalak.
