Irakurriena
- 1. Javier Amezaga, MONDRAGONen Ekipamendu Dibisioko zuzendari nagusi berria
- 2. MONDRAGON eta Mondragon Unibertsitatea Méxicok berrikuntza eta talentuaren garapenerako lankidetza indartu dute Latinoamerikan
- 3. Valentziako kaltetuei laguntzeko kanpainak zabalik jarraitzen du Eroskin
- 4. Pello Rodriguez lehendakariarekin batzartu da Lehendakaritzan
- 5. MONDRAGONek Finantza Foroa egin du
- 6. Matricik likidazio-fasea irekitzeko eskatu du
- 7. “Ilusioz beteta nago, MONDRAGON proiektu liluragarria da”
- 8. MONDRAGONen 2025-2028 Politika Sozioenpresariala aztergai, TU Lankide aldizkariaren azken alean
- 9. Zorionak mende erdiko bideagatik!
- 10. “Trumpen garaipen batek eta haren atzerakada protekzionistak, Europari eragingo liokete”
Langile eta kooperatibistak konpetentzia digitaletan trebatzeko formazioa eskainiko du MONDRAGONek, Ilunionekin batera
MONDRAGONek FUNDAEk bultzatutako trebetasun digitalei buruzko prestakuntza-ekintzetan parte hartzea adostu du Ilunionekin, bere langile eta kooperatibisten konpetentzia digitala handitzeko.
Iluniongo Prestakuntza arloaren helburua da konpetentzia digitalen arloan 74.000 pertsona trebatzea 2025eko ekainera arte. Prestakuntza hau Gizarte Ekonomiaren sektoreko langile eta bazkideentzat eta erakundeentzat da, eremu horretan antzemandako eten digitala ezabatzeko, proiektuaren barruan egindako prestakuntza-beharren azterketa batetik abiatuta.
Prestakuntza honen helburua da MONDRAGON Korporazioko langileak eta kooperatibistak erronka berrietarako prestatzea eta teknologia berriak, kudeaketa moduak eta kontsumoa eskuragarriago egitea.
Ikastaroak
- Zibersegurtasuna
- Lankidetza-lana hodeiko tresnekin
- Produktibitatea hobetzea Microsoft 365ekin
- Arazo tekniko errazak gailu informatikoetan
- Eduki digitalak lantzea
- Administrazio publikoarekiko izapideak sinadura digitalaren bidez
- Gaur egungo eta etorkizuneko joerak teknologia digitalen erabileran
Edukiek diseinu praktikoa eta erraza dute, eta desgaitasunen bat duten pertsonentzat eskuragarri daude
Iñigo Larrea MONDRAGONeko talentu-arduradunaren esanetan, "Mugi Digitalera plataforman trebetasun digitalak garatzeko hainbat programa garatu ditugu MONDRAGONeko kooperatibetan, eta Ilunionekiko lankidetza horri esker, programa oso eraginkorrak eskaini ditzakegu, gure beharretara bideratuak".
Joaquín Leizaola Iluniongo Prestakuntza arloko zuzendari nagusiarentzat, "ikastaro hauek gure herrialdeko Gizarte Ekonomian lan egiten duten pertsonen trebakuntza bultzatu nahi dute, sektore oso garrantzitsu baten eguneratze eta lehiakortasuna errazteko, 43.000 entitate eta enpresa baino gehiagotan 2 milioi espainiar baino gehiago enplegatzen baititu", esan zuen.
