Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
LABORAL Kutxaren Gaztenpresa Fundazioak 330 enpresa berri martxan jartzen lagundu du urteko lehen bederatzi hiletan
![Card image cap](https://www.tulankide.com/eu/laboral-kutxaren-gaztenpresa-fundazioak-330-enpresa-berri-martxan-jartzen-lagundu-du-urteko-lehen-bederatzi-hiletan/@@images/c1df3652-0f74-45bf-9288-4fb3278cdcaf.jpeg)
BAIren (Biztanleria Aktiboaren Inkestaren) langabeziari buruzko azken datuen (hirugarren hiruhilekoko datuen) arabera, Euskal Autonomia Erkidegoan langabezia-tasa % 15,21ekoa da eta Nafarroan 14,92koa. Hori horrela, egungo testuinguruan ekintzailetzak eta Gaztenpresak egindako lanak berebiziko garrantzia dute.
Urtarrilaren 1etik irailaren 30era bitartean lortu diren zifrak 2013koak baino askoz hobeak dira. Adibidez, iaz 265 enpresa baino ez ziren sortu.
Hori horrela, aldi honetan 1.429 proiekturentzako eskaerak aurkeztu dira, aurreko aldian (642 eskaera) baino % 122,58 gehiago.
Ekintzaileek eginiko batez besteko inbertsioa 52.000 €-koa izan da eta Laboral Kutxak eskainitako batez besteko mailegua 29.862 €-koa. Guztira 8.062.879 € eman dira enpresa-proiektu berrietan erabiltzeko.
Mentoringaren figura sortu da
Mentoringa ikasteko eredu bat da. Eredu horren bitartez, ekintzailetzan edo enpresan eskarmentu zabala duen pertsona batek trebezia eta konpetentziak indartzen laguntzen dio beste pertsona bati, azken horren garapen pertsonala eta profesionala ahalbidetzeko.
Mentoreen eginkizuna zera da: gazte ekintzaileei erabakiak hartzen laguntzea, baina erantzunak eskaini beharrean galdera kritikoak eginez. Izan ere, horrela euren hazkunde pertsonala eta euren buruekiko konfiantza bultzatzen da.
Gaztenpresaren kasuan, mentoreak ekintzailetzan esperientzia duten enpresariak eta profesionalak dira eta boluntario gisa aritzen dira gazteei lehen enpresa-abenturan lagun egiten.
Aipaturiko emaitzen arabera, enpresa-jarduera berriak sortzeko babesari dagokionez, Euskadiko fundazio aitzindaria da Gaztenpresa, berriz ere.
EMAITZAK LURRALDEKA
LURRALDEA |
- ENPRESA KOP. |
-SORTUTAKO LANPOSTUAK |
ARABA |
87 |
150 |
BIZKAIA |
142 |
263 |
GIPUZKOA |
67 |
101 |
NAFARROA |
34 |
66 |
GUZTIRA |
330 |
580 |