Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Kooperatibek parte hartze nabarmena izango dute Basque Industry 4.0 kongresuan
![Card image cap](https://www.tulankide.com/eu/kooperatibek-parte-hartze-nabarmena-izango-dute-basque-industry-4-0-kongresuan/@@images/5288fd79-c2f8-494a-9f8b-a692b2268d26.png)
Basque Industry 4.0 ekitaldiaren IV. edizio honetan, laugarren iraultza industrialari buruz eztabaidatuko dugu. Esperientziak, joerak, estrategiak, iritziak, tailerrak, erakusketak eta arlo horietako adituen ikuspegiak bilduko dira ekitaldian.
Nolabait, begirada bat egingo da teknologiaren eta ikerketaren etorkizunerantz. Donostian izango da, datorren azaroaren 22an, Kursaal jauregian. Saioak egun osoan zehar egingo dira, goizeko 8:00etatik arratsaldeko 17:30era.
Aurreikusi den egitarauaren arabera, goizeko 9etan hasiko dira ponentziak eta mahai inguruak. Era berean, lau sesio paraleloak egingo dira, guztiak Industria 4.0 honen aplikazioen inguruan. Zehazki, sail honetan hartuko du parte Javier Torella, Soraluce/DanobatGroup-eko Ingeneritza arloko zuzendariak.
Bere aldetik, Industria 4.0-aren aplikazio sektorialak ere aztertuko dira eta sail honetan azalduko da Ulma Handling System-aren esperientzia. Horretarako, bertan izango da Mikel Altuna, Berrikuntza saileko zuzendaria.
Modu berean, egitarauak ordezkari desberdinen parte hartze zabala aurreikusten du, enpresa mailakoak, unibertsitate mailakoak zein teknologi berrien mailakoak.
Bestalde, Basque Industry 4.0 topaguneak formula onenak bilatu nahi ditu ezagutzak partekatzeko, beraz, egitaraura bildutako ekitaldi guztietan sustatuko dira elkarrizketa, iritzi trukea, entzute aktiboa, enpresa arteko lankidetza eta networking-a.
Informazio gehiago: www.spri.eus