Irakurriena
- 1. "Jaguar Land Roverrek funtsezko laguntzaile teknologikotzat hartzen gaitu"
- 2. Mondragon Unibertsitateak hamar titulu berri eskainiko ditu hastear den ikasturtean
- 3. Laboral Kutxa, Espainiar estatuko bigarren banketxerik onena Forbes aldizkariaren arabera
- 4. LABORAL Kutxak 134 milioi euroko irabaziak lortu ditu 2024ko lehen seihilekoan
- 5. Felix Ormaetxea Uribetxebarria zendu da
- 6. MONDRAGONek inBiot startupean inbertitu du
- 7. MONDRAGONek bere urteroko Kongresua egin du Bilbon
- 8. “Abentura zirraragarria izan da”
- 9. HIREKIN industria jasangarriko zentro berritzailea inauguratu du Mondragon Unibertsitateak
- 10. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
Politeknika Txorierri klima-aldaketari irtenbidea bilatzeko Europako egoitza bihurtu da
![Card image cap](https://www.tulankide.com/eu/klima-aldaketari-irtenbide-bila-politeknika-txorierrin/@@images/7109e2d0-5090-4078-ba47-4a4a8481b4da.jpeg)
Europako 16 eta 18 urte bitarteko 50 ikaslek, irakasleekin batera, astebetez lan egingo dute Politeknika Txorierrin Erasmus+ proiektu berria abian jartzeko.
Politeknika Txorierri, proiektu honetan parte hartzen duen estatuko zentro bakarra, Agnieten College Zwartsluis (Herbehereak), Køge Handelsskole (Danimarka), Friedrich-List-Schule Lübeck (Alemania), Landstede Zwolle (Herbehereak) eta Politeknia Txorierrieko ikasleentzat egoitza nagusia izango da astebetez. Garapen Iraunkorrerako Helburuak, 17 helburuak, landuko dituzte, eta klima-aldaketari lotutakoak izango dira ardatz.
Europako proiektu berri honetan, ikasleek astebetez bidaiatuko dute ikastetxe elkartuetako herri bakoitzera. Egoitza bakoitzak klima-aldaketaren helburuak zehaztuko ditu, ikastetxeei aplikatu beharreko klima-irtenbidea aurkitu arte. Era berean, Politeknika Txorierri izango da Erasmus+ proiektuan parte hartuko duen estatuko ikastetxe bakarra. Proiektu hori Europar Batasunak kofinantzatzen du eta helburua da ikasleak kontzientziatzea klima-aldaketaren arloan neurriak hartzearen garrantziaz.
Konponbide orokorrak helburu
Anabel Menicak, Politeknika Txorierriko Berrikuntza eta Nazioartekotze Saileko koordinatzaileak, azpimarratu du “proiektu honen bidez, nazio, eskualde eta toki mailako konponbideak landu eta proposatu nahi dira, ondoren ikastetxeetara eraman ahal izateko”.
Horretarako, ikasleek talde-dinamikak, hitzaldiak eta talde-lanak egingo dituzte ezarritako helburuak lortzeko. Elkartrukea txangoak egiteko eta herri bakoitzeko kultura eta prozesu zibikoak ezagutzeko ere aprobetxatuko dute.
Proiektu honetan planteatzen diren konponbideak ikastetxe bakoitzaren egunerokoan ezartzea espero da, eta prozesu horrek beste zentro batzuk horiek egitera bideratzea.