Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Industria sektorean digitalizazioa errazteko prestakuntza garatzen
Urriaren 5ean, DTAM (Digital Transformation In Advanced Manufacturing) nazioarteko proiektuaren azken konferentzia egin zen Politeknika Txorierrin. Proiektu horrek Espainia, Herbehereak, Italia, Grezia eta Bulgariako 10 erakunde biltzen ditu. Erakunde horiek ikuspegi komuna duten hainbat sektore desberdinen ispilu dira: eraldaketa digitala guztiontzat.
Proiektuaren azken helburua da industria-sektorearen digitalizazioa hobetzeko prestakuntza ematea. Prestakuntza bereziki ETEei eta ikastetxeei zuzenduta dago, digitalizazioan espezializatutako profil teknikoaren eskaerari erantzuteko. Horren arrazoia, bereziki, ETEek beren langileak arlo horretan prestatzeko baliabiderik ez izatea da.
Ikasketa-plana
Ikastaroak 6 prestakuntza-modulu ditu, eta modu independentean egin daitezke, GAIAk garatutako gaitasunak auto-ebaluatzeko online tresnan lortutako emaitzen arabera. Teknologia digitalak, sensorika, big data, machine learning, zibersegurtasun industriala eta zeharkako gaitasunak bezalako gaiak jorratzen dira.
Prestakuntzarekin batera, DTAMek ikasketa-plan bat zehaztu du, fabrikazio adimendunean tresna digitalak hedatzeko eta kudeatzeko Europar Batasuneko teknikariak prestatzeko. Biak, metodologia eta prestakuntza, ikastetxeen eta enpresen eskura daude, haien prestakuntza- eta berrikuntza-prozesuei laguntzeko.
Politeknika Txorierrik dagoeneko ezarri du Eraldaketa Digitala Enpresetan Espezializazio Programako ikasleen eta Telekomunikazio eta Informatika Sistemetako ikasleen formakuntza curriculumaren barruan. Azken horiek, APROko ikastetxe italiarreko ikasleekin batera, proiektu berritzaile moduan datu industrialak jasotzeko sistema bat sortu zuten eta datu horien zibersegurtasuna landu zuten.
Ostegunean egindako hitzaldietan izan ziren: Tomas Iriondo, GAIAko Zuzendari Orokorra; Karmele Fernandez, Sareneteko sistema-ingeniaria; Ixone Soroa, Bilbao Ekintzakoa; Vasileios Gkamas, Patraseko Unibertsitateko Informatika eta Konputazio Ingeniaritzako Departamentuko doktorea, hitzaldia diziplinarteko eta kulturarteko ekitaldi bihurtuz, hezkuntzako eta enpresa-munduko ordezkarien ikuspegiak jorratuz.