Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
IDEKOk bost konpainia gehiago sartu ditu bere enpresa kolaboratzaileen sarean
![Card image cap](https://www.tulankide.com/eu/idekok-bost-konpainia-gehiago-sartu-ditu-bere-enpresa-kolaboratzaileen-sarean/@@images/81c2ec62-041e-4219-9c01-c2feaa9f206c.jpeg)
Aipatutako LANTIER, SAVVY Data Sytems, Pomdi, IPF eta Abrasivos Unesa konpainiak jarduera estrategikoko arloetan espezializatuta daude, hala nola papergintzan, fabrikazio industrialeko prozesuen digitalizazioan, erabilera industrialerako diamantezko tresnetan, poliuretanozko aparrak fabrikatzeko ingeniaritzan eta urratzaileen ekoizpenean.
"Industria sektore ugari hartzen dituzten enpresak dira, lankidetza bideak aztertzeko, osagarritasunak identifikatzeko eta manufacturingari aplikatutako teknologien garapenean dugun espezializazioa sendotzen jarraitzeko aukera emango digutenak", esan du Fabian Berridik, IDEKOko zuzendari komertzialak.
Lankidetza estuan arituko dira enpresen beharrak eta IDEKOren ikerketa helburuak bateratzeko, bai eta teknologia eta ezagutza transferitzeko bideak sustatzeko ere.
Sinatutako hitzarmenei esker, Enpresa Kolaboratzaileak zentro teknologikoko adituekin solasean egon daitezke beti, eta etengabeko aholkularitza izan dezakete I+Gko proiektuak identifikatzeko, finantzaketa programak bilatzeko eta joera teknologikoei eta berrikuntza programei buruzko informazio pertsonalizatua eskuratzeko.
Lortutako akordioen esparruan, enpresek lehentasuna izango dute erakundearen zerbitzuak ematean eta foro eta ekitaldi teknologikoetan parte hartzean, bai eta IDEKOren abangoardiako instalazioak eta ekipamenduak –prototipo tailerrak, doitasunezko ingeniaritzako laborategia edo Digital Grinding Innovation Huba, esaterako– erabiltzeko erraztasunak ere.
Hitzarmenek, halaber, talentuaren eta giza kapitalaren esparrua hartzen dute. Enpresek zentro teknologikoaren barruan prestatutako ikertzaileei buruzko lehentasunezko informazioa izango dute, haiek lehentasunez kontratatu ahal izateko.
"Bost enpresa horiek gure kolaboratzaileen sarean sartzeak IDEKOk transferentzia teknologikoarekin duen konpromisoa indartzen du eta industri saretik are hurbilago egotea ahalbidetzen dio. Akordio horien bidez, enpresa horiekin genuen lankidetza bultzatu nahi dugu, aukera eta sinergia berriak sortuz, gure ahalmenei ahalik eta etekinik handiena ateratzeko eta etorkizuneko erronkei erantzuteko", gaineratu du Berridik.
IDEKOk sustatutako Enpresa Kolaboratzaileen sarea oso tresna baliagarria da espezializazioa eta transferentzia teknologikoa, berrikuntzaren aldeko apustua, industrien lehiakortasuna eta trebakuntza profesionala sustatzeko.