Prentsa eta estanpazio sistemen diseinu eta ekoizpena, laminatzea, prozesatzea, metalen mozketa eta txapazko piezen soluzioak.
Irakurriena
- 1. "Jaguar Land Roverrek funtsezko laguntzaile teknologikotzat hartzen gaitu"
- 2. Mondragon Unibertsitateak hamar titulu berri eskainiko ditu hastear den ikasturtean
- 3. Laboral Kutxa, Espainiar estatuko bigarren banketxerik onena Forbes aldizkariaren arabera
- 4. LABORAL Kutxak 134 milioi euroko irabaziak lortu ditu 2024ko lehen seihilekoan
- 5. Felix Ormaetxea Uribetxebarria zendu da
- 6. MONDRAGONek inBiot startupean inbertitu du
- 7. MONDRAGONek bere urteroko Kongresua egin du Bilbon
- 8. “Abentura zirraragarria izan da”
- 9. HIREKIN industria jasangarriko zentro berritzailea inauguratu du Mondragon Unibertsitateak
- 10. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
Fagor Arrasatek Savvy Data Systemsen aldeko apustua egin du
![Card image cap](https://www.tulankide.com/eu/fagor-arrasatek-savvy-data-systemsen-aldeko-apustua-egin-du/@@images/bd12b63c-e038-481f-9f34-8bd3a3a56a75.jpeg)
Fagor Arrasatek, material metalikoak eta konpositeak konformatzeko eta prozesatzeko soluzioen garapenean adituak, bere makinetan konektagarritasun- eta digitalizazio-teknologiak sartzeko estrategian beste maila batera eskalatzea aurreikusten du, Savvy Data Systems prozesuak digitalizatzeko enpresaren kapital sozialean sartuz.
Lortutako akordioaren arabera, Fagor Arrasate Savvyko Administrazio Kontseiluan sartuko da, eta Donostiako konpainiaren industria-bazkide berria izango da, prozesu-industriaren eta makina-erremintaren eraldaketa digitalean espezializatua. Lankidetzari esker, Fagor Arrasatek munduko industria-sektore zorrotzenentzako txapa eta material konposatuak lantzeko ekipo-ondasunak garatzen ditu, eta bere eskaintzan Savvyren teknologiak eta soluzioak txertatu ahal izango ditu.
"Savvy Data Systems-en parte hartzeak gure makinen konektibitatea eta digitalizazioa beste maila batean eskalatzen du, eta ziur gaude sinergia teknologiko eta komertzial handiak izango ditugula", Unai López Moñux Fagor Arrasateko zuzendari nagusiaren esanetan.
Zehazki, Fagor Arrasatek Savvyren gaitasunak eta know how-a izango ditu eskura, makinetako datuak informazio bihurtzen dituzten soluzioen garapenean zentratzen direnak, bezeroei beren prozesuen lehiakortasuna optimizatu eta hobetzeko aukera ematen diena.
Aliantza horri esker, Fagorrek aurrea hartu ahal izango die bezeroen eskaerei
Bi enpresek hainbat hilabeteko lankidetza-ibilbidea zuten, eta orain Fagor Arrasate Savvyren kapitalean sartu da. Aliantza Danobatgroup makina-erremintaren fabrikatzaileak, Savvy Data Systems-en bazkide nagusiak, babesten du, eta Fagor Arrasateri aukera emango dio Fagor Smart-Connect konektagarritasun-plataformaren garapenean sakontzeko. Horri esker, munduko edozein lekutan monitorizatu ahal izango ditu bere makinak, batetik, bezeroaren prozesua hobetzen laguntzeko eta, bestetik, bezeroei beren instalazioen errendimendu handiena lortzen laguntzeko, plantaren eraginkortasun operatiboa – OEE (Overall Equipment Efficiency) – ere hobetuz.
Bestalde, Fernando Saenz Savvy Data Systemseko zuzendari nagusiak uste du Fagor Arrasaterekin egindako operazioak aukera emango diola bere konpainiari merkatu berrietara sartzeko.