Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Eusko Jaurlaritzak ETEentzako Laguntza Plana onartu du
![Card image cap](https://www.tulankide.com/eu/eusko-jaurlaritzak-eteentzako-laguntza-plana-onartu-du/@@images/d28358be-5363-433a-8faa-23d2c97f1f21.jpeg)
Arantxa Tapia Ekonomiaren Garapen, Iraunkortasun eta Ingurumeneko sailburuak atzo eman zuen ezagutzera Eusko Jaurlaritzak onartutako ETEentzako 2024 Laguntza Plana, Euskadiko enpresa-sarearen lehiakortasuna hobetzera bideratutako 562,2 milioi euroko 80 programa baino gehiagoko eskaintzarekin hasten dena. "Nazioarteko ziurgabetasun egoera batean, aurten laguntzak hilabete baino gehiago aurreratzeko ahalegina egin dugu, enpresek beren kudeaketak egiteko behar duten informazioa lehenbailehen eskura izan dezaten", adierazi du Tapiak.
Laguntzen katalogo zehatza beste batzuetan baino lehenago eskura izango dute kooperatibek, baita laguntzen programaren gaineko dokumentazioa ere
Beraz, kooperatiba interesdunek laguntzen katalogo zehatza izango dute aldez aurretik, programa bakoitzari dagokion dokumentazioa prestatzeko. Katalogoa eskuragarri dago www.euskadi.eus eta www.spri.eus webguneetan, eta inprimatutako katalogo bat ere argitaratu da, interesa duten enpresa guztien eskura.
Sailburuak adierazi duenez, planaren aurrekontuaren % 49,3k I+G+B ekimenak lehenesten ditu, % 30ek deskarbonizazioa eta inbertsio berrietarako, enplegua sortzeko eta nazioartekotzeko laguntzak aurreikusten ditu. Era berean, indartu egin dira landa-garapeneko eta itsasertzaren garapen ekonomikoari laguntzeko ekimenak, bai eta lehen sektorearen belaunaldi-ordezkapena ere.
Arantxa Tapia sailburuak zuzentzen duen Sailak deialdi batzuk hasi ditu, aldez aurretik, enpresa interesdunen aldeko tramitazioa bizkortzeko. Emandako programen artean, ekonomikoki oso garrantzitsuak diren ekimenak daude, hala nola Elkartek (44 M €), Hazitek (92,5 M €) eta Gauzatu industria (28 M €).