Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Euskararen historia aztergai MONDRAGONen
![Card image cap](https://www.tulankide.com/eu/euskararen-historia-aztergai-mondragonen/@@images/ea6985f5-9f45-411c-94af-2a098707726e.jpeg)
Joseba Beltza Bengoetxea historian lizentziaduna den EMUNeko teknikariak “Euskararen historiara hurbilpen bat” izenburupean hitzaldia eman zuen. Josebak nagusiki euskararen atzerakadaren zergatietan sakondu zuen. Zentzu horretan, Roldan Jimenok dioenarekin bat etorriz, hizlariak azpimarratu zuen euskararen galbidean Nafarroako konkistak baino garrantzia handiagoa borboitarrek izan zutela, besteak beste, euren agintaldiak (frantziar nahiz espainiar estatuetan) eta estatu-nazioen sorrera garaikideak izan ziren eta. Hitzaldiari buruzko informazio gehiago hemen.
Bestalde, bertaratuek aukera izan zuten Soraluce kooperatibaren “euskara hutsezko kanala” esperientzia ezagutzeko. Andoni Korkostegi Elortza Soraluceko produkzio arduradun eta euskara koordinatzaileak aurkeztu zuen esperientzia. Soraluceko bazkide euskaldunei -%79- ahalik eta funtzio gehien euskara hutsean eskaintzea edo eginaraztea helburutzat hartuta, dagoeneko euskara hutsean zenbait bide landu dituzte (e-posta orokorrak, 10T/nominak, intraneta eta OpenOffice/Outlook), hartzaile motaren arabera estrategia ezberdinak erabiliz: batzuetan galdetu edo eskainita eta beste batzuetan galdetu barik ezarrita baina betiere garbi utzita bazkideak duela azken hitza eta nahi duenean egin dezakeela atzera. Une honetan beste funtzio batzuk ere euskara hutsean ezartzeko lanean ari dira (harrera Plana, Batzar Nagusia eta hitzaldi informatiboak)